Vikolwa 27:1 - KITABU KITAKATIFU

¹ Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.”

Vikolwa 27:1 ပူးပေါင်းရင်းမြစ်များ

Litanga 50:20

Munyi mwandohizira muvwivisu zing'anagani ziu vudamanu, navuzwa Nyasaye yazigirung'anyia kugwa uvulahi, kunangwa aduuki kohonyia avandu vanyingi kalunu kigira agekoleka.

Zaburi 33:11

Navuzwa lilohiza lie zing'anagani zia Yahova zihindiraa mihiga ni mihiga. Zing'anagani zizie zimenya mihiga ni mihiga.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Lisyoma lya Jeremia 3:27

Voveeye vulahi umundu kwizuliza lwa akikiri musoleri.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

Luka 7:2

Uwene yeyo, Munene wa vasikari va Varumi mia yaali nu mutumikiri uwu Mwami weve yaali niyayaanza kukila. Mutugwa oyo yaali mulwaye ligali kandi yaali ahimbi kukuza.

Vikolwa 10:1

Yaali ho mundu mulala mu Kaisaria uwalangwa Korinelio, munene wu muganda mulala gwa vasikari imia indara “Muganda gwa Italia.”

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 16:10

Nonoho lwa Paolo yaali niyakalola malola yago, kwetegeka kuzia Makedonia vugira kulindagira, kigira kwamanya ligali ndi Nyasaye yaali kulindagira, kigira kwamanya ligali ndi Nyasaye yaali nakulangi kuzia kwilwaze Ivangeri kuvandu va Makedonia.

Vikolwa 18:2

Wene yeyo yanyoora yo Muyuda mulala walangwa Akwila wivulwa mu Ponto. Akwila harara nu mukali weve walangwa Berisila, vaali nivirani kutura Italia ing'inga yene yeyo, kigira Umwami Munene wa Rumi walangwa Kilaudia yaali natulizi lilago ndi Avayuda vosi vakungwi kutura mu kivala cha Rumi. Paolo yazia kuvalola.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 21:32

Nonoho munene wu muganda yavugula avasikari na vanene vaavo nazia vwangu ku vandu yavo. Navo lwa valora munene wu muganda na avasikari, valeka kukuya Paolo.

Vikolwa 22:26

Lwu munene wa vasikari mia yahulira ndio, yazia vwangu ku munene wa vasikari va Varumi navoora, “Okolaa kindiki? Mundu uyu aveeye Murumi.”

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 23:17

Paolo yalanga mulala ku vanene va avasikari mia namuvolera, “Hila muyaayi uyu ku Munene wa Avasikari elefu, kigira aveeye ni likuva liu kumuvolera.”

Vikolwa 24:23

Kunangwa yahaana malago ku musikari uwalindaa Paolo, ndi alindwi vulahi mu vuhambe, navuzwa ahevwe vovoholore vuduukana, kandi ahaane ku avalina va Paolo munwa gwu kumudenda nukumutumikira munzira yoosi ya venya.

Vikolwa 25:12

Lwa Fesito yamala kovolerana ni kiyaalo chiche, yavolera Paolo, “Otevaa kuhilwa ku Kaisari, yee, ulazia kuye.”

Vikolwa 25:25

Navuzwa inzi sindaalola yaali naakori kindu choosi kidamanu icha adukanaa kohevwa amageri gi likuza mba. Navuzwa, kigira Paolo mwene yateeva kuzia ku Mwami Munene, inzi ndatovora kumuhila kuye.

Vikolwa 27:11

Navuzwa munene wa avasikari mia yayanzilira muno amakuva gu munene wi liato na agu mwene liato kuvita aga Paolo yavoola.

Vikolwa 27:43

Navuzwa kigira munene wa avasikari yenya kohonyia Paolo, yavagaya vatakola ndio mba. Yalaga avamanya kwelema vatange kutuuma kutura mu meri, veeleme kuduuka ku lujinga,

Vikolwa 27:6

Ahene yaho, munene wa avasikari mia yanyoora ho liato liatura Alekisandaria nilizizaa Italia; na yakuviika mu.

Vikolwa 28:1

Lwa kwahononoka kuduuka ku lujinga kwavolerwa ndi kisulu yicho chalangwa Malita.

Vikolwa 28:16

Lwa kwaduka Rumi, Paolo yaavugilirwa komenya yenyine harara nu musikari mulala wu kumulinda.

Vahebraina 13:24

Haani mirembe ku viimiliri vinyu vosi, harara na vatakatifu vosi. Avamwavo vinyu mu Kristo kutura Italia vahaani mirembe kumunyi.