Vikolwa 26:25 - KITABU KITAKATIFU

²⁵ Navuzwa Paolo yavoola, “Simbeeye mulalu mba, O, Mwami wuluyali Fesito. Agambooraa na makuva giligali vuzwa.

Vikolwa 26:25 ပူးပေါင်းရင်းမြစ်များ

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Luka 1:3

Inzi kandi O, Wuluyali Zeofilo, mali mulihenzeriza ligali nokolohiza vindu yivi viosi kutura mulitanga, na galoleki ndi, ni vulahi ku inzi ngong'odere vindu viosi kuli viveeye.

Yohana 8:49

Yeso yativura, “Inzi simbeeye nilidemoni mba, navuzwa nguminyaa Baba wange, navuzwa munyi si munguminyaa.

Vikolwa 23:26

“Inzi Kilaudia Lisiasi, Ngong'odera ivi Felikisi, mwamihi wu luyali. Mirembe.

Vikolwa 24:3

Kunyi kuvugilira ligirung'ana yili kazozo munzira yoosi kandi havundu hoosi, nilisandiza linene ligali ku ivi, O, Felikisi.

Tito 1:9

Gamudukira agimiri vudinyu likuva lia Nyasaye liu uvusuuvirifu liliegizwa lihambanaa na amigizu gi dini kunangwa aduuki kuva unyala kuzuva avandi mu amigizu giligali, nu ku lungikiza yavo avahing'anaa na amigizu yago.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.