Vikolwa 25:19 - KITABU KITAKATIFU

¹⁹ Nitali vaali vuzwa na mahangali lugano lugano ku lisuuvira liavo, nu ku mundu mulala ulangwa Yeso wakuza, navuzwa wa Paolo avoora aveeye mwoyo.

Vikolwa 25:19 ပူးပေါင်းရင်းမြစ်များ

Vikolwa 1:22

Gamudukira ave uwahambana ni kunyi kutura ing'inga ya Yohana yabatizanga avandu kuduuka lidiku lia Yeso yavugurwa kutura ku kunyi kuzia mwigulu. Kuduuka ahambane ni kunyi, ave mulolekizi wi lisimuguka liu Mwami Yeso.”

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Vikolwa 18:15

Navuzwa kigira mahangali ga amakuva na amita ga Malago ginyu, munyi aveene mukalage. Inzi sinyenyanga kuva mukalagi wa makuva yaga mba!”

Vikolwa 18:19

Vaduuka Efeso, aha Paolo yaleka Berisila na Akwila. Yingira mu lisinagogi, natanga komoloma na Vayuda.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 23:29

Ndanyoora ndi vamuyaara kolondekana na amateeva ku amalago gaavo, navuzwa sihaveeyeho ni kindu kuye cha vamuyaalira ikiduukanaa yiitwi anoho avofwe mba.

Vikolwa 25:18

Yavo avamuyala vasingira, navuzwa sivamuyaala ku vudamanu, kuli inzi ndaaganagana mba.

Vikolwa 25:7

Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba.

Vikolwa 26:3

Mbitilira kigira ivi mwene wamanya miima ja Vayuda na makuva gaavo gu kuvula kuhulirizana mu limenya liavo. Yiki nicho kigira ningogoonya umbulirizi mu vwikuziri.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.