Vikolwa 25:16 - KITABU KITAKATIFU

¹⁶ Navuzwa ndaavativulira, sigoveeye mwima gwa Varumi kutuliza mundu uyalwa ahevwe mageri, nakikiri kuvugana na vamuyaara, no kohevwa uvwiyangu vwu kwikinga ku ga vamuyaalira mba.

Vikolwa 25:16 ပူးပေါင်းရင်းမြစ်များ

Litanga 39:19

Lwu munene weve yahulira makuva gu mukali weve yamuvolera, kuli mutumikiri weve mutugwa yamukolera, munene oyo vutima vwivwe vwiginga.

Tsing'ano 18:13

Uhulirizi kutanga, nukikiri kuhaana mativuli, na nutakoli ndio oveeye musiru kandi muzalirizi

Tsing'ano 18:17

Mundu wukutanga komoloma mu kiyaalo alolekaa kovora agiligali kazozo, kuduuka lwumusigu weve atangaa kumuteeva mateeva.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Yohana 7:51

“ Kolondekana ni Lilaga lietu sikunyala kukalagira mundu vudamanu imbiri wa kukiri kumuhuliriza kandi kumanyiriza icha mali kokora mba.”

Vikolwa 23:30

Lwa ndavuulirwa ndi Avayuda vandi valohizi kwita mundu uyu, ahene yaho ndaatovora kumuleeta ku lvi; Mali kulaga avandu vamuyaara valeete mayaalo gaavo imbiri woovo.”

Vikolwa 23:35

yavoola, “Ndakakuhulizi lwa avandu vakuyaala vaduuka.” Yahaana malago ndi Paolo alindirwi munyumba yu vwami ya Herodi.

Vikolwa 26:1

Maku, Aguripa yavolera Paolo, “Oveeye nu munwa kovora makuva googo mwene.” Kunangwa Paolo yanyira mukono gwigwe navoora makuva geege kuli ndi:

Kwidzulitsa 17:4

Niiva uhulira amakuva gu lugano yilu, mutevelerizi ligali, niiva amakuva yago gaveeye agiligali, na galolekizwi ndi kindu chu kuvihuliriza yiki chayekoleka mu Isiraeli,