Vikolwa 23:35 - KITABU KITAKATIFU

³⁵ yavoola, “Ndakakuhulizi lwa avandu vakuyaala vaduuka.” Yahaana malago ndi Paolo alindirwi munyumba yu vwami ya Herodi.

Vikolwa 23:35 ပူးပေါင်းရင်းမြစ်များ

Jeremia 38:13

Maku vang'usa ni migoye kutura mu vogo ma nivambiika mu muguzi gwu mulindi wi inyumba yu vwami.

Matayo 2:1

Ing'inga Yeso yiivulwa mu lidaala lia Bezelehemu, mu kivala chi Vuyuda, mu madiku ga Herodi yaali mwami, henza, avageri avukutunyiriza zing'ereng'ani vaatura Ivugwi, ni vaduuka Jerusalemi.

Matayo 2:16

Lwa Herodi yalora vageri vaamugadi, yavihilirwa ligali ma yaatuliza lilago ndi avana vayaayi vosi vu mulidaala lia Bezelehemu na vikivala chaali ahimbi, viitwi; avaari nivaduuki mihiga giviri kandi vosi avaari nivakikiri kuduuka. Yaga gaakolwa kolondekana ning'inga ya vaali vamuvooleye.

Matayo 2:3

Lwu Mwami Herodi yahulira yaga, yaahenda mwoyo harara na avandu vosi va Jerusalemi.

Matayo 27:27

Maku avasikari va Pilato vingiriza Yeso munyumba yu mwami na avasikari vosi vaamukumbiriza.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Vikolwa 23:30

Lwa ndavuulirwa ndi Avayuda vandi valohizi kwita mundu uyu, ahene yaho ndaatovora kumuleeta ku lvi; Mali kulaga avandu vamuyaara valeete mayaalo gaavo imbiri woovo.”

Vikolwa 24:1

Inyima wa madiku gatano, Musaalisi Munene Anania, yasulunguta kuzia Kaisaria harara navakulundu valala kandi mulala uwalangwa Taritulo uwaza komolomela Avayuda imbiri wa Felikisi. Valeta amayaalo gaavo gavayaliraa Paolo ku mwamihi Felikisi.

Vikolwa 24:10

Lwu mwamihi yasima Paolo kuhaana munwa amolome, Paolo yativura, “Inzi mbeeye nu vuyanzi kwikinga umwene imbiri woovo nimanyi vulahi ndi, ivi wakava mukalagi wi ihiiri yiyi ku ing'inga indambi.

Vikolwa 24:19

Navuzwa vaali ho avayuda kutura Asia; yava nivo va gaduukiraa vave hano imbiri woovo valeete amayaalo gaavo, nivava vaveeye ni kindu cha vanzaliraa ku.

Vikolwa 24:22

Navuzwa Felikisi, uwaali niyamanya vulahi ligali imiima ja amigizu gu Mwami Yeso yasingiriza kiyaalo yicho navavoolera: “Sundaa likalaga lie kiyaalo yiki kuduuka lwa Lisiasi, munene wa Avasikari yaza hano.”

Vikolwa 24:23

Kunangwa yahaana malago ku musikari uwalindaa Paolo, ndi alindwi vulahi mu vuhambe, navuzwa ahevwe vovoholore vuduukana, kandi ahaane ku avalina va Paolo munwa gwu kumudenda nukumutumikira munzira yoosi ya venya.

Vikolwa 25:16

Navuzwa ndaavativulira, sigoveeye mwima gwa Varumi kutuliza mundu uyalwa ahevwe mageri, nakikiri kuvugana na vamuyaara, no kohevwa uvwiyangu vwu kwikinga ku ga vamuyaalira mba.