Vikolwa 21:5 - KITABU KITAKATIFU

⁵ Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;

Vikolwa 21:5 ပူးပေါင်းရင်းမြစ်များ

1 Avami 8:54

Inyima wa Solomoni yaali niyakamara lisaala kandi ligoonya yili liosi ku Yahova, yasingira imbiri wu vwali vwa Yahova, aha yaali nasigami, na gingi makono geege mwigulu.

2 Kyetsinyinga 20:13

Avasaza vosi vi Ivuyuda harara na vakali vaavo, na avana vaavo vasingira imbiri wa Yahova ha Litembeli.

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Matayo 14:21

Vosi harara vaali avasaza izielefu zitano, vugira kuvaliza avakali na avana.

Marko 1:40

Umundu mulala uwalwalaa ovogere yaza ku Yeso, nasigama namugoonya amukonye. Yavoola “Niiva ganyalika unyala kundakasa!”

Luka 22:41

Yavaleka nazia kuli hanyala kulasa ligina, nasigama, nasaara.

Vikolwa 15:3

Kunangwa likanisa liavasivula nivavatuma vazie ku logendo lwavo. Vaali nivavitira mu Foenisia nu mu Samaria, nivivalira vandu avasuuviraa kuli avizihiiri zindi viganira kuuza ku Nyasaye. Amakuva yaga gayaanziza avaamitu yavo vosi ligali.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 20:36

Lwa yamala kovora yaga, Paolo yasigama harara navo vosi, nasaalaa.

Vikolwa 20:38

Kindu chavavereriza ligali mbitilira chaali likuva lia yavoola ndi sivalimulola kandi mba. Kunangwa, vamuhereka kuduuka mu liato.

Vikolwa 9:40

Petero yavatuliza ichova vosi, nasigama, nasaara. Yagirung'ana kohenza mukuzu, navoora, “Tabita, vuka!” Naye yakunura zimoni zizie; lwa yalora Petero, yikala.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.