Vikolwa 21:33 - KITABU KITAKATIFU

³³ Munene wu muganda yazia ku Paolo namugumira, nalaga avofwi ni minyororo giviri. Maku yateeva, “Mundu uyu ni vwaha, kandi akoli ki?”

Vikolwa 21:33 ပူးပေါင်းရင်းမြစ်များ

Vikolwa 12:6

Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe.

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Vikolwa 22:29

Na ahene yaho avasikari yavo, avenya koteveleriza Paolo vamuleka. Lwu munene wa avasikari oyo yamanya ndi Paolo nu Murumi, yatia ligali, kigira yaali naamuvohi ni minyororo.

Vikolwa 22:30

Ku lidiku lialonda ku, munene wa avasikari va Varumi yenya kumanya kivuni kigira Avayuda ni vayaala Paolo. Yamuvoholora minyororo, nalaga avasaalisi vanene vi kiyaalo choosi kuvugana harara. Maku yavugula Paolo, naamusingiriza imbiri wavo.

Vikolwa 25:16

Navuzwa ndaavativulira, sigoveeye mwima gwa Varumi kutuliza mundu uyalwa ahevwe mageri, nakikiri kuvugana na vamuyaara, no kohevwa uvwiyangu vwu kwikinga ku ga vamuyaalira mba.

Vikolwa 26:29

Paolo yamutivulira, “Saalaa Nyasaye, ndi, mu ing'inga inyimbi anoho indambi, siaveeye ivi weng'ine, navuzwa vosi avambulirizaa lero, vaduuki kuva kuli inzi mbeeye, nitali vugira minyororo yiji.”

Vikolwa 28:20

Kigira yaga nyenyi kololana no komoloma ni munyi, kigira mboheywi ni minyororo yiji kurwi lisuuvirizwa lia Isiraeli.”

Vafeso 6:20

Kigira Ivangeri yiyi inzi mbeeye mutumwa kali niiva mbeeye muvuhambe kalunu. Musaliri nduuki kugevoola novuluviriri mu lilwaza Ivangeri kuli gandukira kovora.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Vakalagi 15:13

“Gaveeye malahi,” vavoola “Kulakovoha vuzwa, na kukuhiri ku vandu va Filisitia vene yavo. Sikulakwita kunyi aveene mba.” Kunangwa vamuvugura, nivamuvoha ni migoye imihia giviri, nu kumutuliza mu luhangaywa lwu lwanda.

Vakalagi 16:12

Kunangwa Delila yavugula imigoye imihia nukumuvoha. Maku yahanzuka, “Samusoni! Avandu va Filisitia vazaa!” Avandu zana vaali nivalindilira mu keng'oze. Navuzwa yagadula imigoye yijo kuli umundu agadulaa uluvusi.

Vakalagi 16:21

Vandu va Filisitia vamugumira nivatuliza zimoni zizie ma nivasulunguta naye mu lidaala lia Gaza nukumuvoha ni minyororo jumugasa. Vamuniga kusia ku lugina muvuhambe.

Vakalagi 16:8

Kunangwa vimiliri va vandu va Filisitia valetera Delila imigoye saba ja makambi amavisi. Naye yamanya navooha Samusoni ni migoye zana.