Vikolwa 20:28 - KITABU KITAKATIFU

²⁸ Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 20:28 ပူးပေါင်းရင်းမြစ်များ

Zaburi 74:2

Wizulizi avandu vovo va watovola kutura kale ava ivi watuliza mu vuhambe, kuva mwangu gugwo! Wizulizi kiguru cha Ziyoni aha wamenyaa.

Tsing'ano 10:21

Amakuva gu mundu mulungi galakonya avandu vanyingi, navuzwa unyala kwiyita nuvusiru.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 13:20

Avandu va jerusalemi, heenzi! Avasigu vinyu vazaa kutura Ivaale! Vaveeye hayi avandu vaviikwa kumulinda, avandu va mwigingiliraa ku?

Jeremia 3:15

Ndakamuhe avamihi avatizaa kandi valakamwamiihi novogeri nilimanyiriza.

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Ezekieli 34:3

Munwezaa maveere, mwivikaa zinguvu zialombwa ku uvwoya, kandi mwita ligondi lilahi ligali ma mulia. Navuzwa si mulinda magondi gange mba.

Ezekieli 34:31

“Munyi muveeye magondi gange, chayo cha nindaa ekeveeye avandu vange kandi mbeeye Nyasaye winyu,” Mwami Munene Yahova avoora.

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zekaria 11:4

Yahova Nyasaye wange yambolera, “Waye chayo cha magondi gazizaa kwitwa.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 2:6

‘Na ivi O, Bezelehemu, mu kivala chi Vuyuda, si oveeye ligali muke hagati ha avamihi vi Vuyuda mba kigira kutura ku ivi, alaza mwami uliva mwayi wa vandu vange, Isiraeli.’ ”

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

Vikolwa 20:17

Kutura Mileto Paolo yatuma mundu na makuva ku vakulundu vi likanisa lia Efeso navalanga vavugane naye.

Vikolwa 20:29

Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba.

Varumi 16:16

Muchelizane munyi veene naveene ni livuusana liu vutakatifu. Amakanisa goosi aga Kristo gahaani mirembe kumunyi.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Vagalatia 1:13

Munyi mwamala kovolerwa kuli ndamenya kale lwa ndaali nindagumira lisuuvira lia Vayuda, kandi kuli ndavambaliza likanisa lia Nyasaye vugira ku livererera, kandi ningora goosi aga ndaanyaliza kulidiviza ligali.

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vakolosai 1:14

muye koveeye novovoholore kutura mu vuhambe vwu uvwoni kandi, kusamiifwa uvwoni vwitu.

Vakolosai 4:17

Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 13:17

Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.