Vikolwa 20:24 - KITABU KITAKATIFU

²⁴ Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 20:24 ပူးပေါင်းရင်းမြစ်များ

1 Kyetsinyinga 11:18

Vasikari vi zinguru vi limanyikana vavaga vavitira hagati hokososa hi liihi lia Vafilisitia kuzinguru ni vadaha amazi kutura mu kidaho yicho ma ni vagaleeta ku Daudi. Navuzwa si yaganwa mba. Nitali, yagasundula ichova gave kihanwa ku Yahova,

Luka 16:28

uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Yohana 17:4

Inzi mali kumanyia uvukumi vuvwo mu lirova; mali kutwekiza miyinzi ja wamba ngole.

Vikolwa 1:17

Yuda yaali mulala ku kunyi, kigira yatovolwa asange ni kunyi mu vutumwa vwitu.”

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 13:25

Lwa Yohana yaali niyenyaa kumala lilwaza lilie, yavolera avandu, ‘Munyi muganaganaa inzi nivwaha? Inzi si mbeye ni oyo wa mulindiliraa mba. Oyo uzaa inyima wange, ninzi sindukana kali kovoholora migoye ji vilato vivie mba.’

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 11:6

Navuzwa litovola lilie liali ku zimbavasi zizie, sigaveeye kigira ku vikolwa viavo mba. Niiva litovola lia Nyasaye liakaveeye ku vikolwa via vandu, maku zimbavasi zizie si ziakaveeye zimbavasi ziagiligali mba.

Varumi 4:4

Muyinziri atungwa mitungu; mitungu jije jiveeye kihanwa, navuzwa jiveeye amadanyi gologeli lwilwe.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

2 Vakorintho 4:12

Kunangwa kovora ndi likuza likora miyinzi mu kunyi, navuzwa livamwoyo likora imiyinzi mu munyi.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

Vagalatia 1:1

Inzi Paolo, uwa lilaangwa liange kuva mutumwa si liatura ku avandu, anoho kuvitira mu zinguru ziu mundu mba, navuzwa kutura ku Yeso Kristo kandi Nyasaye Baba, uwamusigukiza kutura mu likuza,

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafeso 3:13

Kunangwa mugoonyaa ligali, mutakuza mioyo mba kigira salira kulwa munyi; yaga gaveeye uvukala vwinyu.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vafilipi 2:30

Yavika livamwoyo lilie liosi mu uvuhiimwa, kali naava ahimbi kukuza kigira imiyinzi ja Kristo. Yiviika mu uvuhiimwa ni yenya kongonya ligali kuvita munyi.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.

1 Vatesalonike 3:3

Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.

Tito 1:3

na mu zing'inga izindahi zia yatovola, yalolekiza likuva lilie havulavu. Likuva yili liahevwa inzi nzilwaze kolondekana ni lilaga lia Nyasaye, Muhonyi wiitu.

Tito 2:11

Nyasaye umali kumanyia zimbavasi zizie zio ovohonyi ku avandu vosi.

Vahebraina 10:34

Mwasanga mu likindukizwa harara na yavo avaari mu vuhambe, kandi mwa vugilira kunuurwa vindu vienyu, kigira mu manya vulahi ndi munyi aveene muveeye ni vindu vilahi ligali kuvita, navio ni vitahera mba.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 6:11

Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.