Vikolwa 2:22 - KITABU KITAKATIFU

²² “Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Vikolwa 2:22 ပူးပေါင်းရင်းမြစ်များ

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Matayo 12:28

Navuzwa inzi niimba ni ngungaa amademoni kuzinguru zia Roho wa Nyasaye, kunangwa mumanye ndi uvwami vwa Nyasaye vumali kuduuka ku munyi.

Matayo 2:23

Yazia komenya mu lidaala lialangwa Nazareti. Na ndio gaduukizwa makuva gavoolwa kuvitira mu vaporofeti: “Alalaangwa Munazareti.”

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 11:20

Navuzwa niiva inzi ngungaa amademoni kuzinguru zia Nyasaye, mumanye ndi Uvwami vwa Nyasaye vumali kuduuka ku munyi.

Luka 18:37

Vaamuvolera, “Yeso wa Nazareti avitira hano.”

Luka 24:18

Kunangwa, mulala kuvo, uwalangwa Kiliopa, yamuteeva, “Ni ivi weng'ine oveeye mugeni mu Jerusalemi, kandi utamanyi ivindu viakoleki yo mu madiku makekeeke gaaviti yaga?”

Yohana 1:45

Filipo yanyoora Nazanieli namuvolera, “Konyooye mulala wa Musa yang'oda kuye mu kitabu chi Lilaga, kandi avaporofeti vang'oda kuye. Aveeye Yeso mwana wa Josefu, wa Nazareti.”

Yohana 10:37

Niiva singolaa miyinzi ja Baba wange, mutasuuviri mba.

Yohana 11:47

Kunangwa avasaalisi vanene na Avafarisayo valanga livugana lie kiyaalo, nivavoora, “Kokora ndi? Mundu uyu akolaa vilolekizu vinyingi.

Yohana 12:17

Kiduma chaali harara naye ing'inga ya yalanga Lazaro kutura mu kilindwa, naamusimugukiza kutura muvakuzu, vavoola agekoleka.

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Yohana 19:19

Pilato yalaga vang'ode mang'oda ma vagaviiki ku Musalaba. Nago gasomeka kuli ndi: “YESO MUNAZARETI MWAMI WAVAYUDA.”

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 4:48

Yeso yamuvolera, “Munyi nimutaloli vilolekizu ni viokogenyia, simunyala kusuuvira mba.”

Yohana 5:36

Navuzwa lilolekiza lia inzi mbeeye nalio liveeye linene kuvita lia Yohana. Kigira miyinzi ja Baba yamba malirizi, nijo miyinzi jimanyia ndi Baba niyie wanduma.

Yohana 6:14

Lwa avandu valora kelolekizu yiki icha Yeso yakola, vavoola, “Ligali uyu niyie muporofeti zana uzaa mu lirova.”

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 7:31

Navuzwa avanyingi mu kiduma vamusuuvira, nivavoora, “Lwa Mesia aliiza, alakakole vilolekizu vinyingi kuvita viu mundu uyu amali kokora?”

Yohana 9:33

Galava ndi umundu uyu siyaatula ku Nyasaye, siyaali anyala kokora kindu choosi mba.”

Vikolwa 13:16

Kunangwa Paolo yasingira navagerera mukono, natanga kovora: “Avandu va Isiraeli, na Avizihiiri vosi avasigamiraa Nyasaye; mbulirizi!

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Vikolwa 2:19

Ndakora vilolekizu yigulu mwigulu, na viokogenyia hasi mu lirova; galava ho amasahi, muliru nu mwoki munene;

Vikolwa 2:43

Viokogenyia kandi vilolekizu vinyingi viakolwa na avatumwa, kuduuka avandu vosi ni vaava nuvuti mu mioyo jaavo.

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

Vikolwa 22:8

Ndavoora, ‘Ivi nivwaha, Mwami?’ Naye yambolera, ‘Inzi ni Yeso wa Nazareti wa ivi udambiza.’

Vikolwa 24:5

“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 26:26

Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba.

Vikolwa 26:9

“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti.

Vikolwa 3:12

Lwa Petero valora avandu yavo, yavavolera, “Munyi vachange avandu va Isiraeli kigira ki mugenyaa ku likuva liu mundu uyu kandi kigira ki mukoteleeye emoni kuli nikuzingulu zietu anoho ku vutakatifu vwitu ovokoli mundu uyu agende?

Vikolwa 3:6

Navuzwa Petero ya muvooleraa, “Inzi simbeeye na mabese mba, navuzwa ndakuha choosi icha mbeeye nacho. Mulieta lia Yeso Kristo wa Nazareti, ngulaga, singira ogeende!”

Vikolwa 4:10

gamudukira munyi vosi mumanye, kandi gaduukiraa avandu vosi va Isiraeli, vamanye ndi, mundu uyu asingiraa hano imbiri winyu mulamu ligali kuvitira mu zinguru zie lieta lia Yeso Kristo wa Nazareti, uwa mwavaamba, kandi uwa Nyasaye yasimugukiza kutura mu likuza.

Vikolwa 5:35

Maku navolera avandu vi kiyaalo, “Munyi vandu va Isiraeli vache vange, muganaganyie vulahi icha mwenya kokora ku avandu yava!

Vikolwa 6:14

Kwamuhulira navoora ndi, ‘Yeso uyu wa Nazareti giasambula Litembeli, kandi alatuliza ho imiima ja kwavugula kutura ku Musa.’ ”

2 Vakorintho 12:12

Vilolekizu vinyingi kandi agokogenyia manyingi ga havulavu galolekizaa ndi inzi mbeeye mutumwa wagiligali, viekoleka hagati hinyu nu vwikuziri vunyingi.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.