Vikolwa 18:12 - KITABU KITAKATIFU

¹² Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 18:12 ပူးပေါင်းရင်းမြစ်များ

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Yohana 19:13

Lwa Pilato yahulira amakuva yaga, yaatuliza Yeso ichova, niyikara kondeve yi Likalaga havundu halangwa mu Luheburaina, Gabata.

Vikolwa 13:12

Lwu munene wi kisulu oyo yalora yaga, yasuuvira nagenya ligali ku amigizu gu Mwami ga yahulira.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 13:7

Uyu yaali mulina wu mwami Serigo Paolo, uwaali mundu mugeri ligali. Yaali munene wi kisulu yicho. Serigo Paolo yalanga Baranaba na Saolo aduuki kuhulira likuva lia Nyasaye.

Vikolwa 13:8

Navuzwa vahangalizwa nu musigitiri Elima kuli yalangwa mu Luguriki, uwageriza kwigalira munene wikisulu avuli koyeeka ku lisuuvira lia Kristo.

Vikolwa 14:19

Navuzwa Avayuda valala vaza kutura Andiokia ya Pisidia na Ikoniamu. Vagoonya avandu nivavaleeta kolovega lwavo, ma nivalasa Paolo magina, nivamukulula nivamuluguta ichova wi lidaala, nivaganagana ndi umali kukuza.

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 17:5

Navuzwa Avayuda vakendeka; vavungiza harara avandu vadamanu, avaguunza mu chiitu, nivavungiza kiduma, nivakora kivihiri mu lidaala liosi. Vingira munyumba ya Jasoni, nivasuuvira ndi, valanyora mu Paolo na Sila, vavaleete ichova imbiri wa avandu.

Vikolwa 18:11

Paolo yamenya mu ku ing'inga yu muhiga mulala ni nusu, niyigiza likuva lia Nyasaye.

Vikolwa 18:27

Lwa Apolo yenya kuzia Akaya, vamiitu avasuuviraa mu Efeso vamuzuva nivang'odera vandu avasuuviraa mu Akaya vamwingirizi. Lwa yaduuka yo, yakoonya ligali avaamitu vaali nivasuuvira kuvitira mu vunyali vwi zimbavasi zia Nyasaye.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 25:10

Paolo yativura, “Inzi singiyi imbiri wendeve yi likalaga ya Kaisari; ahene hano niho handuukiraa kukalagirwa. Kuli ivi umanyi vulahi, sindakolera Avayuda uvudamanu vwosi mba.

Varumi 15:26

Makanisa gaveeye mu Makedonia na Akaya gayaanzi kuhaana kihanwa chavo kokoonya avadaka hagati ha vatakatifu vamenyi mu Jerusalemi.

Varumi 16:5

Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 11:10

Kuli giligali ga Kristo agaveeye mu inzi, sihaveeye ho nu mundu unyala kungaya muliekonya yili mu kivala choosi cha Akaya mba.

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Yakobo 2:6

Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!