Vikolwa 17:23 - KITABU KITAKATIFU

²³ Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 17:23 ပူးပေါင်းရင်းမြစ်များ

Zaburi 147:20

Akikiri kokora yaga ku zihiiri zindi; kandi sivamanyi malago geege mba. Mwizominye Yahova!

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Isaya 45:4

Ndaakotovola kuva mukonyi wu mutumikiri wange Isiraeli, avandu vamali kotovola. Mali kuhaana luyali lonene ku ivi, kali niiva siumanyi mba.

Matayo 15:9

Lisigamira liavo liveeye lia vuzwa. Amigizu gaavo gaveeye amalago ga vandu vuzwa!’ ”

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 4:22

Munyi Avasamaria musigamiraa oyo wamutamanyi ligali navuzwa kunyi kumanyi uyu wakusigamiraa, kigira ovohonyi vutura ku Avayuda.

Yohana 8:54

Yeso yavativulira, “Niiva inzi nzikuminyaa mwene, uvukumi vwange sivoveeye kindu. Baba wange wa munyi muvooraa ni Nyasaye winyu, niyie unguminya.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 8:5

Kali niiva viveeye ho vindu vilangangwa “avanyasaye” mwigulu anoho mu lirova kali vaveeye ho “avanyasaye” na “vami” vanyingi kuli yava;

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.