Vikolwa 16:16 - KITABU KITAKATIFU

¹⁶ Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe.

Vikolwa 16:16 ပူးပေါင်းရင်းမြစ်များ

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Kyavalevi 19:31

“Mutateevi zing'anagani kutura ku avandu vaveeye nilihambana na roho midamanu ja vakuzu mba. Niiva mulakola ndio, mulava vadamanu kolondekana ni miima. Inzi mbeeye Yahova winyu.

Kyavalevi 20:27

“Umundu woosi, musaza anoho umundu mukali uzizaa ku vakumu kuduuka alaswe magina akuzi. Umundu woosi okolaa ndio, sialadula umundu kigira likuza lilie mba.”

Kyavalevi 20:6

“Niiva mundu agirung'ana nu kuzia kwenya zing'anagani kutura ku avakumu, Inzi ndagirung'ana kuva musigu weve, na sindamuvaliza kuva mulala ku avandu vange kandi mba.

Vikolwa 16:13

Ku lidiku lie Lisabato kwatula ichova wi lidaala, nikuzia ku lujinga lwu mugera, ha kwaganagana ni havundu hu kusaala. Kwikala nikomoloma na avakali avavugana ho.

Vikolwa 16:18

Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.

Vikolwa 16:19

Lwa Avatugi vu mukaana oyo valora ndi lisuuvira liavo lio konyoora vindu via mbeti ligoti, vagumira Paolo na Sila, nivavakulula kuvahila mu chiitu, imbiri wa avanene.

Vikolwa 19:24

Yaali ho mulombi wi vindu viefeza mulala walangwa Demeturo, uwaali ni miyinzi jo kolomba vifananyi viefeza vie Litembeli lia nyasaye wi kikali walangwa Aritemi. Miyinzi yijo jaleetela Demeturo na avayinziri veve mabese manyingi.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

1 Samweli 28:3

Kalunu Samweli yaali yakuza na avandu va Isiraeli vosi vaali nivamali kumusiomera nukumuta mu lidaala linene lilie mwene lia Rama. Saolo yaali niyamali kuniga avasigitiri na vulaguli vi limanya vatuli mu Isiraeli.

1 Samweli 28:7

Ahene yaho Saolo yalaga vanene veve, “Nzenyeri mukali musigitiri na inzi nzie kumuteeva zing'anagani.” Vamutivulira, “Aveeye ho nu mulala mu lidaala lia Endori.”