Vikolwa 16:15 - KITABU KITAKATIFU

¹⁵ Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vikolwa 16:15 ပူးပေါင်းရင်းမြစ်များ

Litanga 19:3

Navuzwa Loti yavagoonya, ligali, kunangwa zingelosi yava vavugilira kuzia na Loti munyumba yeeye. Yavolera avatumikiri veve kolomba mugadi gutaveeyemu na mamera, ma navalombera lilia lilahi.

Litanga 33:11

Mwaza vugilira kihanwa cha inzi mali kokoletera. Nyasaye yaali ni zimbavasi ku inzi ni yamba vuli kindu choosi cha ndeenya.” Yakobo yaazizagilira kumugonya kuduuki navugilira.

2 Avami 4:8

Lidiku lilala, Elisha yazia Shunemu wu umukali mutugi yamenya. Mukali zana yamugenihiza azie kulia chukulia, na kutura ulwene yilwo kuzizagilira, vuli ing'inga lwa Elisha yazizaa Shunemu, yanyoora chukulia chiche munyumba yeeye.

Matayo 10:41

Uyu uwingirizaa mutumwa wa Nyasaye kigira aveeye muporofeti, alasaanga mu madanyi gu mutumwa oyo. Na uyu wingirizanga mundu mulungi kigira aveeye mundu mulungi, alanyoola madanyi gu mundu mulungi.

Matayo 3:6

Viyama uvwoni vwavo, naye navabatiza mu mugera gwa Jorodani.

Luka 14:23

Mwami yavolera mutumikiri, ‘Zia kuzinzira ziu mumilimi kandi muzinzevo unige avandu vaze kwingira munyumba yange iduuki kwizura.

Luka 24:29

Navuzwa vamugoonya ligali nivavoora, “Ogone nikunyi kigira ing'inga iviti nuvudiku vuduuki.” Kunangwa Yeso yazia niyingira mu kadaala yako, nasoosa navo.

Vikolwa 11:14

Uyu alakovolera amakuva gahonyia ivi harara na avinyumba yooyo vosi.’

Vikolwa 16:31

Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Vikolwa 16:33

Musikari oyo yavavugula ing'inga zana yu vudiku, naavogiza zingwagu ziavo; inyima vabatizwa ahene nahene yaho, oyo harara na avinyumba yeeye.

Vikolwa 16:34

Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.

Vikolwa 18:8

Krisipo, munene wi lisinagogi, yasuuvira mu Mwami, oyo harara na avinyumba yeeye vosi. Avandu va Korinzo avanyingi avahulira likuva lia Paolo vasuuvira, kandi nivabatizwa.

Vikolwa 8:12

Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali.

Vikolwa 8:38

Kunangwa yalaga ligare lisingiri; navo vombi, Filipo ni kiziri viika mu mazi; Filipo yaamubatiza.

Varumi 16:23

Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi. [

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Vafeso 1:1

Inzi Paolo, uwagwa mutumwa wa Kristo Yeso ku vulaliri vwa Nyasaye, Ng'odera munyi Avakristayo avaveeye Efeso, avaveeye avasuuvirifu mu Kristo Yeso.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Filemona 1:17

Kunangwa, niiva uganaganaa kuvugiliraa inzi kuva kuli umulina woovo, mwaza mwingilizi yirani ku ivi kuli unyala kunzingiriza.

Vahebraina 13:2

Mwizurizi kwingiriza avageni mu zinyumba zienyu. Mu likora ndio vaali ho avalala vingiriza zingelosi nivatamanyi.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

2 Yohana 1:10

Mundu niyazaa ku munyi nanavula koleta amigizu yaga, mutamwingirizi mu zinyumba zienyu, kandi mutamucheliza mba.

3 Yohana 1:5

Umulina muyanze wange, oveeye umusuuvirifu ligali mu miyinzi josi jokolaa kokoonya avaamitu Vakrisitayo kali nivaveeye avageni.

3 Yohana 1:8

Kunangwa kunyi Avakristayo, gakuduukiraa kokonye avandu vaveeye kuli yava, kunangwa kuduuki kusanga harara navo mu miyinzi mu giligali.

1 Samweli 28:23

Saolo yasura navoora sialalia kindu choosi kali kidi mba. Navuzwa vanene veve vaamudinyiriza nivamugoonya alie. Mu limalirika yamanya navugilira; yavuka kutura hasi niyikara ku kidali.