Vikolwa 16:12 - KITABU KITAKATIFU

¹² Kutura uwene yeyo kwazia ni kuduuka ha Filipi, lidaala linene lio losoma lwu kutanga lwa Makedonia, kandi liveeye lidaala liamifwa na Varumi. Kwamenya mu lidaala yilio madiku manyingi.

Vikolwa 16:12 ပူးပေါင်းရင်းမြစ်များ

Vikolwa 16:10

Nonoho lwa Paolo yaali niyakalola malola yago, kwetegeka kuzia Makedonia vugira kulindagira, kigira kwamanya ligali ndi Nyasaye yaali kulindagira, kigira kwamanya ligali ndi Nyasaye yaali nakulangi kuzia kwilwaze Ivangeri kuvandu va Makedonia.

Vikolwa 16:21

Vigiza miima jitaveeye ja kunyi avandu va Rumi kutavugilirangwa kujikola anoho kujilonda.”

Vikolwa 16:9

Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.”

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 19:29

Lidaala liosi lizula kivihiri. Vamanya nivagumira Gayo na Arisitariko, avandu va Makedonia, avagendaa harara na Paolo, nivavakwesa vwangu nivingira munyumba yi mikinu.

Vikolwa 20:1

Lwa ikivihiri chaali Efeso chakiring'ana, Paolo yalanga vandu, avasuuviraa harara na avadinyiriza. Maku yavasivula, natanga logendo kuzia Makedonia.

Vikolwa 20:3

wa yamenya mieli jivaga. Lwa yaali niyetegeka kuzia Siria, yahulira ndi Avayuda vaali nivamugoneki vamwiti; ku lwa yago yamanya niyiirana navitira Makedonia.

Vikolwa 20:6

Inyima wa madiku gi Migadi jitali na Mamera, kwanina mu liato kutura Filipi, na inyima wa madiku gatano kwaduka kuvo mu Turoasi. Kwamenya yo lisiza lilala.

Vikolwa 27:2

Kwanina mu liato liatura Adiramito, iliali nilienya kuzia kuvitira mu madaala gu ku inyanza ga Asia, nikutanga logendo. Arisitariko, mundu wa Makedonia kutura Tesalonike, yaali harara nikunyi.

Varumi 15:26

Makanisa gaveeye mu Makedonia na Akaya gayaanzi kuhaana kihanwa chavo kokoonya avadaka hagati ha vatakatifu vamenyi mu Jerusalemi.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vafilipi 1:5

kigira ovokonyi vwinyu ku inzi mu miyinzi ju kulandiza Ivangeri kutura lidiku liukutanga kuduuka lero.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.