Vikolwa 14:15 - KITABU KITAKATIFU

¹⁵ “Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 14:15 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

Litanga 41:16

Josefu yativulira Mwami, “Mwami wu luyali, inzi si nyara mba, navuzwa Nyasaye alahaana livaala lilahi ku ivi.”

1 Avami 16:13

Kigira lisigamira misambwa liavo kandi kigira vimilira Isiraeli kokora vwoni, Baasha nu muyaayi weve Ela vavuukiza vutima vwa Yahova Nyasaye wa Isiraeli.

1 Avami 16:26

Kuli Jeroboamu muyaayi wa Nebati waali imbiri weve, yavuukiza vutima vwa Yahova Nyasaye wa Isiraeli kigira vwoni vwivwe kandi kigira kwimilira vandu va Isiraeli kokora vwoni na kusigamira vifananyi.

2 Avami 19:16

Kalunu, O, Yahova, henza ku agekolekaa ku kunyi. Hulira ivindu yivi viosi viu mwami Senakeribu avoora kokonyega ivi, Nyasaye oveeye mwoyo.

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

Zaburi 115:15

Yahova walomba ligulu nilirova, amugasize ligali.

Zaburi 124:8

Ovokonyi vwitu vuturaa ku Yahova, uwalomba ligulu ni lirova.

Zaburi 31:6

O, Yahova Ivi uvihiliraa yavo avasigamiraa avanyasaye vatali viligali navuzwa inzi suuviraa mu ivi.

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 46:7

Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 51:15

Yahova yalomba lirova kuzinguru zizie mwene; Yalomba kivala novogeri vwivwe mwene kandi navambura ligulu.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Jona 2:8

Yavo avasigamiraa vifananyi via vuzwa vamali koleka uvusuuvirifu vwavo ku ivi.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Yohana 7:18

Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba.

Vikolwa 10:26

Navuzwa Petero yamusingiriza, namuvolera, “ Singira, inze mbeeye mundu vuzwa.”

Vikolwa 13:32

Kunyi kandi kuuzi hano kumuletera Ivangeri indahi ya Nyasaye: likuva lia Nyasaye yalaga avaguuga viitu.

Vikolwa 14:21

Lwa vamala kwilwaza Ivangeri mu lidaala lia Deribe, vanyoola vandu avasuuviraa avanyingi, ni vatanga logendo kwirana Andiokia ya Pisidia, kuvitira Lusitura na Ikoniamu.

Vikolwa 14:7

Vilwaza Ivangeri ya Nyasaye mu kivala chene yicho.

Vikolwa 16:30

Ma yavaleeta ichova, navateeva, “Avami, ngola ki, nduuki kohonywa?”

Vikolwa 27:10

navoora, “Avami, ndola logendo yilu lulava nu vudamanu kandi ni ligotiza linyingi, si liveeye lie vindu viveeye mu liato vieng'ine, navuzwa lie livamwoyo lietu kandi.”

Vikolwa 27:21

Lwa vandu vaali mumeri vamenya ninzara ku ing'inga indambi, Paolo yasingira hagati haavo, navoora, “Avaamitu mulava ni mwambuliriza kuvula kutura Kerete, ngano si konyooye vudinyu ni ligotiza linene yili liosi mba.

Vikolwa 27:25

Kigira yaga, Avaamitu, muleme mioyo! Kigira inzi suuvira Nyasaye. Galava kuli aga mboleywi.

Vikolwa 4:24

Lwa vandu vasuuvira vahulira makuva yaga, vosi vaza harara, vasaala Nyasaye nu mwoyo mulala, ni vavoola, “ O, Mwami, kandi Mulombi wi ligulu ni lirova, inyanza ni vindu viosi iviveeye mu!

Vikolwa 7:26

Mugamba gwalonda ku, yanyoora vandu va Isiraeli vaviri ni vakubana; yaageriza kuvahambanyia, navoora, ‘Munyi muveeye avamwavo; kigira ki musolanaa aveene ku vene?’

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Yakobo 5:17

Elija yaali umundu wi liiva lilala liere kuli kunyi. Yasaala nu mwoyo gwosi ndi imbura ivuli kukuba, niimbura yavula kukuba ku lirova ku mihiga jivaga ni imieli sita.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 19:19

Maku ndaalora kandi iking'ang'a, avami vi lirova na amahi gaavo, ni vavugani harara kulwaana iliihi na uyu uwikaye ku ibarasi, kandi ku amahi geege.

Likunula 22:9

Navuzwa yambolera, “Utakola ndio mba! Inzi mbeeye vuzwa umutumikiri wacho, harara na avamwavo vovo avaporofeti, harara na yavo valonda amakuva gi kitabu yiki. Sigamira Nyasaye!”

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

1 Samweli 12:21

Mutalondi avanyasaye vuvugadi mba; sivanyala kumukonya anoho kumuhonyia mba; kigira sivaveeye aviligali mba.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.