Vikolwa 13:50 - KITABU KITAKATIFU

⁵⁰ Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 13:50 ပူးပေါင်းရင်းမြစ်များ

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Amosi 7:12

Maku Amazia yavolera Amosi, “Oh, ivi muporofeti, wiruki uzie mu kivala chicho chi Ivuyuda wilwaze yo, na oleke vakutuungi ku vwilwazi vuvwo.

Matayo 10:23

“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.

Marko 15:43

Josefu wa Arimazia, mukulundu wu luyali, mulala ku vakalagi, uwalindiliraa liza liu Uvwami vwa Nyasaye, yaluvirira nazia ku Pilato nateeva umuviri gwa Yeso.

Marko 5:17

Maku vataanga kogoonya Yeso atuli mu kivala chavo.

Vikolwa 13:43

Lwi livugana liafwa, Avayuda vanyingi na avandu vi Zihiiri avaari nivavugura lisuuvira lia Vayuda valonda Paolo na Baranaba. Avatumwa yavo vavolerana navo, nivavadinyiriza vazizagiliri komenya mu zimbavasi zia Nyasaye.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Vikolwa 14:19

Navuzwa Avayuda valala vaza kutura Andiokia ya Pisidia na Ikoniamu. Vagoonya avandu nivavaleeta kolovega lwavo, ma nivalasa Paolo magina, nivamukulula nivamuluguta ichova wi lidaala, nivaganagana ndi umali kukuza.

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 14:4

Navuzwa avandu vi lidaala yilio vavukana: avalala vaali kolovega lwa Avayuda, na avandi nivava kolovega lwa avatumwa.

Vikolwa 14:5

Kunangwa avalala ku avandu vi Zihiiri na Vayuda harara na avanene vaavo, vatovora kokora uvudamanu ku avatumwa, nukuvalasa amagina.

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:12

Avanyingi kuvo vasuuvira; kandi avakali avi igulu va Vaguriki na avasaza kandi.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 18:7

Kunangwa yavaleka nazia komenya munyumba yu mundu mulala uwatia Nyasaye, uwalangwa Tito Jusito. Inyumba yeeye yaali ahimbi ni lisinagogi.

Vikolwa 2:5

Kunangwa vaali ho Avayuda avamenya mu Jerusalemi, avandu vaali ni vaatia Nyasaye ligali muno avaari nivatuli muvivala viosi vie lirova.

Vikolwa 21:27

Lwa madiku saba yago gaali himbi kumalirika, Avayuda vaali nivatuli Asia valora Paolo mu Litembeli. Vagemehiza kiduma choosi cha avandu nivamugumira.

Vikolwa 28:17

Inyima wa madiku gavaga, Paolo yagenihiza aviimiliri va Vayuda vavugane harara. Lwa vavugana, Paolo yavavolera, “Avaamitu, kali niiva sindakola kindu kidamanu, anoho kuhing'ana ni miima ja avaguuga viitu, navuzwa ndaakorwa muhambe mu Jerusalemi kandi nimbikwa mu makono ga Varumi.

Vikolwa 6:12

Munzira yiyi vagemehiza avandu, avakulundu na avigizi vi Lilaga. Maku vazia ku Sitefano, ni vamugumira, kandi ni vamuhira imbiri wi kiyaalo kenene.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Varumi 10:2

Nyara kukusuuviriza ndi vaveeye nu vuha vonene vwu kwenya kutumikira Nyasaye; navuzwa uvuha yivwo sivwayumbakwa ku limanya liagiligali mba.

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;