Vikolwa 13:23 - KITABU KITAKATIFU

²³ Kuturana ku kisukururwi cha mundu uyu, Nyasaye, kuli yalaga, yaleetera avandu va Isiraeli Muhonyi, naye ni Yeso.

Vikolwa 13:23 ပူးပေါင်းရင်းမြစ်များ

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

Zaburi 132:11

Ivi walomba lilagana lie liesuuha ku Daudi, lisuuviriza lia utanyala kugirung'anyia kandi mba: “Ndakora mulala ku vayaayi vovo kuva mwami, na alamiiha inyima woovo.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Jeremia 30:9

Muvogono yivwo, valakatumikiri inzi, Yahova Nyasaye wavo, kandi chisukululwi cha Daudi, cha nangore mwami.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 1:1

Yiki ni kitabu cha makura gu luhia lwa Yeso Kristo. Yeso yaali uwi ikisukululwi cha Daudi, uwi ikisukululwi cha Aburahamu.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Matayo 22:42

“Munyi muvooraa ki ku makuva ga Mesia? Aveeye wi kisukururwi cha vwaha?” Vaamutivulira, “Aveeye wi kisukururwi cha Daudi.”

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Yohana 4:42

Vavoolera mukali oyo, “Kunyi sikusuuviraa vuzwa kigira amakuva googo, navuzwa kunyi aveene kumali kumuhulira kandi kumanyi ligali uyu niyie Muhonyi wi lirova.”

Yohana 7:42

Amang'oda Matakatifu gavoora ndi? Sigavoola, Mesia alatula mukisukululwi cha Daudi, na alivulwa mu Bezelehemu, lidaala lia Daudi!”

Vikolwa 13:32

Kunyi kandi kuuzi hano kumuletera Ivangeri indahi ya Nyasaye: likuva lia Nyasaye yalaga avaguuga viitu.

Vikolwa 2:30

Navuzwa kigira Daudi yaali muporofeti, yamanya ndi Nyasaye yamwisuuhila liesuuha ndi alakola mulala ku visukululwi veve ave mwami mu vogono vwivwe.

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Tito 1:4

Ng'oderaa ivi Tito, Mwana wange wiligali mu lisuuvira lia kusanga kwosi harara. Nyasaye Baba na Kristo Yeso muhonyi wiitu vayanze vahane ku ivi zimbavasi nimirembe.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.

2 Petro 2:20

Niiva avandu vamali kohononoka kutura mu vindu vie kifavwi chi lirova kigira limanya Mwami kandi Muhonyi wiitu Yeso Kristo, kandi viirana kugumirwa nu kuguutwa navio, liiva liavo lie inyima ligwiyi lidamanu ligali kuvita maziambiri.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

2 Petro 3:2

Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

Yudasi 1:25

uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.