Varumi 9:5 - KITABU KITAKATIFU

⁵ vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.

Varumi 9:5 ပူးပေါင်းရင်းမြစ်များ

Litanga 12:3

Ndagasiza yavo avagasizaa ivi, Navuzwa ndalaama yavo avalaamaa ivi. Kandi kuvitira mu ivi, ndagasiza zihiiri ziosi.”

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

1 Avami 1:36

Binaya yativura, “Galakolwa ndio, kandi Yahova Nyasaye woovo adinyirizi amakuva yaga.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

Zaburi 103:19

Yahova yamala kusingiriza endeve yeeye yu vwami mwigulu; kandi yamiha ku vindu viosi.

Zaburi 106:48

Mwizominye Yahova, Nyasaye wa avandu va Isiraeli, mumwizominye kalunu kandi mihiga ni mihiga! Ma avandu vosi vavoole “Amini!” Yahova yizominywe!

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 89:52

Yahova Nyasaye yizominywi mihiga ni mihiga! Amini! Amini!

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 28:6

“Amini Yahova akole ndio. Yahova akole amakuva gu voporofeti vuvwo kuva giligali, kandi yiranyie hano mavikiru gu mu Litembeli ga yaahira Babiloni, harara na avandu vosi avaaziayo mu lihaminywa.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 20:44

Daudi yamulanga, ‘Mwami.’ Kunangwa Kristo anyala kuva ndi kisukururwi cha Daudi?”

Yohana 10:30

Inzi na Baba wange, koveeye kindu kilala.”

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Varumi 1:25

Vagirung'anyia agiligali ga Nyasaye kuva vovehi; vasigamira nu kutumikira vindu via Nyasaye yalomba mu vogono vwu Mulombi mwene, udukana kwizominywa mihiga ni mihiga! Amini.

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

1 Vakorintho 14:16

Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Vahebraina 7:24

Navuzwa Yeso ahindiraa mihiga ni mihiga, kandi miyinzi jije kuli musaalisi sijihelerizana kutura kuye kuzia ku wundi mba.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!

Likunula 5:14

Ivilombe vine iviveeye mwoyo yivio viavoola, “Amini!” Kandi avakulundu vaagwa hasi mamumama nivasigamira Nyasaye.