Varumi 9:4 - KITABU KITAKATIFU

⁴ Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

Varumi 9:4 ပူးပေါင်းရင်းမြစ်များ

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 17:10

Ivi kandi visukululwi vivio kuduuka mwosi muvugiliri kokeva musaza woosi oveeye hagati hinyu.

Litanga 17:2

Inzi ndakalombe lilagana liange na ivi kandi ndakakohe visukululwi vinyingi.”

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

1 Avami 8:11

gaaka nuvulavu vohemahemanga kuli loheni lwi liiva liu uvukumi vwa Yahova, kandi sivali vanyara kwirana mu kokora miruka jaavo mba.

Nehemia 13:29

Wizulizi, O, Nyasaye wange, kuli avandu yavo vamali kwononyia miyinzi juvusaalisi ni lilagana lia walomba na vasaalisi kandi na vandu va Levi.

Zaburi 147:19

Ahaanaa makuva geege ku vandu veve; kandi ahaanaa amigizu geege na malago geege ku vandu va Isiraeli.

Zaburi 63:2

Leka ngolole ahatakatifu hoho, leka ndore zinguru zizio kandi uvukumi vuvwo.

Zaburi 73:1

Nyasaye aveeye mulahi ligali ku vandu veve, Isiraeli, ku yavo avaveeye avanifu mu mioyo.

Zaburi 78:61

Yavugilira avasigu viitu vagumiri Lisandugu lie Lilagana; kelolero chi zinguru kandi chu vukumi vwivwe.

Zaburi 89:3

Ivi wavoola, “Mali kolomba lilagana liange nu mutumikiri wa Inzi mwene ndaatovora; kandi mali kusuuviriza mutumikiri wange Daudi nokovoora,

Zaburi 89:34

Inzi sindavunaga lilagana liange naye mba, anoho ndulize ho lisuuviriza kali lilala lia ndaalomba naye mba.

Zaburi 90:16

Leka kunyi avatumikiri vovo kolole vikolwa vivio vinene. Leka visukululwi viitu valore zinguru zizio ziu vukumi.

Kutwula 12:25

Lwa mwingira mu kivala cha Yahova yamulaga alamuha, gamuduukira mukore muluka yigu.

Kutwula 34:27

Yahova yavolera Musa, “Ong'ode amakuva yaga, kigira galava ku musingi gwa mang'ana yaga nduuki kolomba lilagana ku ivi na vandu va Isiraeli.”

Kutwula 4:22

Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Kutwula 40:34

Maku lilesi liakunika Lihema liukuvuganira mu na Yahova, kandi vukumi vwa Yahova vwizula Lihema du.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Livalidza 7:89

Lwa Musa yingira mu Lihema liukuvuganira kumoloma na yahova, yahulira umwoyo gumolomaa kuye kutura igulu we endeve yi zimbavasi, iyaali igulu wi Lisandugu lia Malago; iliali hagati ha Vakerubi vaviri, nu mwoyo gwa Yahova gwamoloma kuye.

Matayo 21:33

Yeso yavoola, “Huliri lugano lundi: Mundu mulala mwene mulimi yasimika kizabibu; kandi yeeva ulugaga nayava mu kiminilu chiwaini. Yumbaka umunaara gwokohenzeraku. Inyima yatekela avalimi vandi, ma nazia mu kivala kindi ihale.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

2 Vakorintho 11:22

Yavo ni Avaheburaina? Kali inzi mbeeye. Vaveeye avandu va Isiraeli? Kali mbeeye. Vaveeye avandu va Isiraeli? Ku inzi mbeeye. Vaveeye visukululwi via Aburahamu? Kali inzi mbeeye.

Vagalatia 3:16

Kunangwa Nyasaye yalomba lisuuvirizwa lilie ku Aburahamu kandi ku kisukururwi chiche. Mang'oda Matakatifu sigavoola, “Ni visukululwi vivie mba.” Agaveeye kovora avandu vanyingi, navuzwa “Ni kisukururwi chiche,” agaveeye kovora mundu mulala naye ni Kristo.

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

Kwidzulitsa 29:1

Yaga nigo amakuva gi lilagana lia Yahova yalaga Musa kolomba na avandu va Isiraeli mu kivala cha Moabu. Yaga goosi gaali komeeda ku lilagana lia Yahova yaali naalombi navo ku kiguru cha Sinai.

Kwidzulitsa 29:14

Si kuveeye ni kumunyi veng'ine ava Yahova alombaa lilagana yili ni liesuuha yili mba.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Vahebraina 9:1

Lilagana liu kutanga liali namalago gu kusigamira Nyasaye, kandi havundu hatakatifu hukusigamira Nyasaye mu lirova.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Vahebraina 9:3

Inyima wi Isuuka yu kukinga ya kaviri haali ni Lihema lialangwa Hatakatifu Ligali.

Vahebraina 9:5

Igulu wi Lisandugu lia malago yilio haali ho ni vilombe vie zimbaha vimanyiaa uvukumi vwa Nyasaye vialangwa “vakerubi”, na zimbaha ziavo ziakunika havundu hi zimbavasi, hu vwoni vwasaamihirwa. Navuzwa kalunu sieveeye ing'inga yu kwivaala ivindu viosi muvutambi mba.

Vahebraina 9:6

Vindu yivi viamala kolohizwa kuli ndi: Avasaalisi vingira mu Lihema liu kutanga lie chova vuli lidiku kokora vutumwa vwavo;