Varumi 9:22 - KITABU KITAKATIFU

²² Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

Varumi 9:22 ပူးပေါင်းရင်းမြစ်များ

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Tsing'ano 16:4

Vindu viosi via Yahova yalomba viveeye nekeheri cha vio, ne keheri chu mundu mudamanu ni kudivizwa.

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Livalidza 14:11

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 9:17

Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.”

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Varumi 9:21

Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

1 Vatesalonike 5:9

Nyasaye siyakuviika kusaliri kigira uvutima vwivwe mba, navuzwa konyoole uvohonyi kuvitira mu Mwami wiitu Yeso Kristo;

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.