Varumi 9:20 - KITABU KITAKATIFU

²⁰ Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Varumi 9:20 ပူးပေါင်းရင်းမြစ်များ

2 Samweli 16:10

Mwami Daudi yavolera Abishai na amwavo weve Joabu, “Yaga sigaveeye agoogo mba. Niiva yaanaama kigira Yahova amuvooleeye, gaveeye ku vwaha okoteeva ni kigira ki akolaa ndio?”

Ayubu 16:3

Munyi mulazizagilira kumoloma vugira kuduuka ku keheri? Muladuuka kuva kazozo ni likuva liu kumaliriza?

Ayubu 33:13

Kigira ki uyalaa Nyasaye ku livula kutivulira mundu lielilira lilie?

Ayubu 36:23

Nivwaha unyala kumulohizira zinzira zizie? Anoho nivwaha unyala kovora akoli uvudamanu?

Ayubu 40:2

“Umuhenzerizi wuvudamanu anyala kuhing'ana na Nyasaye Wuvunyali? Oyo uhangalizanaa na Nyasaye, leka amutivuri!”

Ayubu 40:5

Mali kovora, na sindativula kandi mba. Ndadinyiriza kovora ligali, navuzwa sindazizagilira komoloma mba.

Ayubu 40:8

Unyala kali kumbika mu vudamanu? Unyala kungaragira kuva muhioli ku uduuki kwekola mulungi?

Ayubu 9:32

Niiva Nyasaye yakavee mundu kuli inzi, ndakamutivuliyi makuva gange; ngano kwakaziiyi mu kiyaalo kuyaarana, ma kuduuki kukalagirwa amakuva giitu.

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 29:16

Vatung'aminyaa kindu choosi. Ni kiliha ekeveeye kenene, umulongi anoho lidohi? Kindu chu mundu yalomba, kinyala kumuvolera ndi, “Ivi siwanomba mba?” Anoho kinyala komuvolera ndi, “Ivi siumanyi ichokolaa mba?”

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 18:6

“Mbeeye nuvunyari kokora kumunyi avandu va Isiraeli agumulongi yakola nilidohi? Munyi muveeye mumakono gange kuli lidohi liveeye mumakono gumulongi.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Luka 12:14

Yeso yamutivulira, “Mundu ivi, nivwaha wambika mbe mukalagi anoho mugavuli hagati hinyu vaviri?”

Varumi 14:4

Ivi nivwaha uluviliraa kukalagira vatumikiri vu mundu wundi? Nivasingira anoho nivagwa, gaveeye ku Mwami wavo mwene. Valasingira vudinyu, kigira Mwami aveeye ni zinguru kuvakola vasingiri.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 2:3

Navuzwa ivi, umundu, ukalagiraa yavo avakolaa vindu kuli yivi na ivi mwene, okolaa viazana? Uganaganaa ulahononoka kutura mu likalaga lia Nyasaye?

Varumi 9:21

Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 7:16

Ivi mukali Mukristayo unyala kumanya ndi ulakahonyie musaza woovo? Anoho ivi musaza Mukristayo, unyala kumanya ndi ulakahonyie mukali woovo?

Tito 2:9

Wigizi avatugwa vegehizi ku avanene vaavo, vavayaanzizi mu vindu viosi, vatava na mahangali mba;

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?