Varumi 9:19 - KITABU KITAKATIFU

¹⁹ Mulala ku munyi alandeeva, “Niiva gaveeye ndio, kigira ki Nyasaye yenyeleriza amahiolo mu vandu? Nivwaha unyala kuhingila uvulaliri vwa Nyasaye?”

Varumi 9:19 ပူးပေါင်းရင်းမြစ်များ

Litanga 50:20

Munyi mwandohizira muvwivisu zing'anagani ziu vudamanu, navuzwa Nyasaye yazigirung'anyia kugwa uvulahi, kunangwa aduuki kohonyia avandu vanyingi kalunu kigira agekoleka.

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

Ayubu 9:19

Niiva ni ligerana lie zinguru Nyasaye aveeye ni zinguru, kumbita inzi. Niiva na makuva gi likalaga lirungi, nivwaha unyala kumuleeta mu kiyaalo?

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 29:16

Vatung'aminyaa kindu choosi. Ni kiliha ekeveeye kenene, umulongi anoho lidohi? Kindu chu mundu yalomba, kinyala kumuvolera ndi, “Ivi siwanomba mba?” Anoho kinyala komuvolera ndi, “Ivi siumanyi ichokolaa mba?”

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Marko 14:21

Ligali Mwana wa Adamu alakuza kuli Mang'oda Matakatifu gavoora kuye, navuzwa kilaamo keveeye ku mundu uyu uzamaa Umwana wa Adamu. Vwali vulahi umundu oyo kali alavula kwivulwa!”

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Varumi 11:19

Navuzwa ulavoola, “Yee, iziisia ziahalulwa, nduuki konyoora vwiyangu.”

1 Vakorintho 15:12

Kalunu, niiva likuva lia kwilwazaa liveeye ndi Nyasaye umali kusimugukiza Kristo kutura mu likuza, kigira ki valala ku munyi vavoola ndi sihaveeye ho ni lisimuguka lia vakuzu?

1 Vakorintho 15:35

Navuzwa mulala alateeva, “Avakuzu vanyara kusimugukizwa ndi? Valava nu muviri gwa lugano ki?”

Yakobo 1:13

Mundu naava naagerizwa na magerizu lugano yilu atavoola, “Nyasaye angerizaa.” Nyasaye mwene sianyala kogerizwa nuvudamanu kandi sianyala kogeriza umundu woosi mba.

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.