Varumi 8:9 - KITABU KITAKATIFU

⁹ Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

Varumi 8:9 ပူးပေါင်းရင်းမြစ်များ

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Yohana 3:6

Chu muviri gwivulaa nichumuviri ni charoho yivulaa ni cha Roho.

Vikolwa 16:7

Lwa vaduuka ku lwako lwa Misia, vageriza kwingira mu kivala cha Bizinia, navuzwa Roho wa Yeso siyavavugilira mba.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 15:23

Navuzwa sa mulala alakasimugikizwi kuli gaalohizirwa mwene: Kristo wu kutanga ku vosi; maku yavo avaliva va Kristo ing'inga yi liza lilie.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 6:17

Navuzwa oyo wihambanyia umwene ku Mwami aveeye mulala mu Roho naye.

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 2:22

Mu Kristo, kandi munyi kandi mwumbakwa harara na avandu vosi, muduuki kuva vomenyo vwa Nyasaye omenya mu kuvitira mu Roho weve.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vafilipi 1:19

Kigira manya ligali kuvitira mu Lisaala lienyu harara no ovokonyi vwi kihanwa cha Roho wa Yeso Kristo, inzi ndavoholorwa.

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

1 Yohana 4:13

Kigira yaga kumanyi ndi komenyi mu Nyasaye, naye amenyaa mu kunyi, kigira umali kukuha Roho weve.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.