Varumi 8:7 - KITABU KITAKATIFU

⁷ Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Varumi 8:7 ပူးပေါင်းရင်းမြစ်များ

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

Ayubu 15:13

Mwoyo gugwo guhing'anaa na Nyasaye, na yiki nicho kigira novoora amakuva kuli yaga kuye.

Zaburi 53:1

Avandu vasiru vavoola mu mioyo jaavo ndi, “Nyasaye siaveeyeho mba.” Vosi vaveeye avadamanu, kandi vamali kokora agukuvihiririza; sihaveeyeho nu mundu kali mulala okolaa agaveeye amalungi mba.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Jeremia 13:23

Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Yohana 7:7

Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 1:30

kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Varumi 3:31

Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Varumi 8:4

Nyasaye yakola yaga kunangwa uvulungi vwi Lilaga lienyaa vuduuki kuduukizwa mu kunyi avamenyaa kolondekana ni liiva lia Roho, kandi sigaveeye kolondekana ni liiva liu muviri mba.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 9:21

Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!