Varumi 8:5 - KITABU KITAKATIFU

⁵ Yavo avamenyaa kuli liiva liu muviri livavoolera, vamiihangwa ni zing'anagani ziu muviri gwenyaa. Navuzwa yavo avamenyaa kolondekana ni lienya lia Roho, zing'anagani ziavo ziamifwa na ga Roho yenya.

Varumi 8:5 ပူးပေါင်းရင်းမြစ်များ

Marko 8:33

Navuzwa Yeso yagirung'ana nahenza aviigi veve naagondokera Petero na amuvoleraa, “Tula muzimoni ziange ivi Setani! Zing'anagani zizio siziveeye zia Nyasaye, navuzwa ni zia vandu.”

Yohana 3:6

Chu muviri gwivulaa nichumuviri ni charoho yivulaa ni cha Roho.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

1 Vakorintho 15:48

umundu walombwa kutura ku marova, vaveeye kuli oyo watura ku marova, umundu wu mwigulu aveeye, kuli oyo watura mwigulu.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

2 Vakorintho 10:3

Gaveeye agiligali ndi komenyi mu lirova, navuzwa sikulwaanaa uvulwani kuturana ku lienya lie lirova mba.

Vagalatia 5:17

Kigira vindu vie liiva liu muviri gwu uvwoni gwenyaa vihing'anaa ni via Roho yenya, kandi via Roho yenya vihing'anaa na iviumuviri gwenyaa. Kigira yivi viviri viveeye uvusigu ku iviene ku viene; agaveeye kovora, simunyala kokora via munyi mwenya kokora mba.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.