Varumi 8:39 - KITABU KITAKATIFU

³⁹ anoho kivala chi igulu, anoho cha hasi ligali, anoho kelombe ku vilombe viosi ikinyala kukwavukanyia nu vuyanzi vwa Nyasaye, ovoveeye vwitu kuvitira mu Kristo Yeso, Mwami wiitu.

Varumi 8:39 ပူးပေါင်းရင်းမြစ်များ

Zaburi 64:6

Valomba zing'anagani ziavo zindamanu nivavoora, kalunu “Kumali kolohiza lilohiza liduukiru liukuvunaga malago.” Zing'anagani ziu musi ziu mundu ziveeye vindu vikogenyia.

Tsing'ano 20:5

Zing'anagani ziu mundu ziveeye kuli amazi gu luliva, navuzwa mundu wovogeri vwu musi anyala kugadaha.

Lwimbu lwa Solomoni 3:4

Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

Isaya 10:33

Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Danyeli 4:11

Musaala yigu gwaviluka ligali ni gugwa munene kuduuka zindogozi ziagwo ziduuka mwigulu, na vuli mundu woosi mu kivala yagolola.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Yohana 16:27

kigira Baba mwene ayaanza munyi. Ayaanza munyi kigira muyanzaa inzi kandi mumali kusuuvira ndi, inzi ndaatula ku Nyasaye

Yohana 17:26

Ndakokola umanyekane kuvo kandi ndazizagilira kokora ndio, kunangwa, uvuyanzi vwa oveeye navwo ku inzi vove muvo, nainzi mbe muvo.”

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:35

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 2:11

kunangwa Setani avuli konyoora uvwiyangu vwu kuguuta kunyi, kigira kwamanya lienya lilie kuli liveeye.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafilipi 3:12

Simbolanga ndi inzi ndaamara kuguuta, anoho mali kokolwa umudukiru ligali mba. Nzidinyirizaa ligali kuzia imbiri kunangwa nduuki ku kivuni kandi nyoore ikihaanwa yicho ichagira Kristo Yeso niyaangunzira.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

1 Yohana 4:16

Kunyi aveene kumanya kandi kusuuvira uvuyanzi vwa Nyasaye aveeye navwo ku kunyi. Nyasaye aveeye uvuyanzi kandi oyo, Omenya mu vuyanzi amenyaa mu Nyasaye, kandi Nyasaye amenyaa muye.

1 Yohana 4:19

Kunyi kuyaanza kigira Nyasaye yakuyaanza mu litanga.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 2:24

“Kalunu mbolera munyi vosi avatigaye mu Ziatira, kuduuka ku vosi avatalondaa amigizu madamanu yaga, kandi munyi avaavura kwiga ivindu via vandu vandi valanga ivindu ‘Via Setani viu mululiva.’ Inzi muvooleraa ndi, sindaviika vuliduhu vundi ku munyi mba.

Likunula 20:3

Engelosi zana yaagusiuva mu gehena ma naagikunika vudinyu, kandi naduya ku umuhuri, kunangwa guvuli kugaada zihiiri kandi mba kuduuka lwi mihiga elefu ndala jitweka. Navuzwa inyima wayaga gulakavohololwe, ku ing'inga engekeeke.

Likunula 20:7

Mihiga elefu ndala ni jakavita, Setani alavohololwa kutura mu vuhambe vwivwe,