Varumi 8:30 - KITABU KITAKATIFU

³⁰ Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Varumi 8:30 ပူးပေါင်းရင်းမြစ်များ

Isaya 41:9

Ndaamulanga kutura mu zikona zie lirova lie ihale ligali, kandi nimuleeta kutura ku keheri chi lirova, na ndamuvolera, ‘Munyi muveeye avatumikiri vange.’ Inzi si ndamusuura mba, navuzwa ndaamutovora.

Yohana 17:22

Inzi mali kuvaha uvukumi vwa wamba, kunangwa vave kindu kilala kuli kunyi koveeye kindu kilala;

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Varumi 1:6

Munyi avaveeye mu Rumi muveeye valala ku vandu yavo, ava Nyasaye amali kulanga muve ava Yeso Kristo.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:21

ndi vindu viosi, lidiku lilala navio vilakavohololwi kutura mu vutugwa vwu vwoneku, kandi viduuki kusanga mu vukumi vwo vovoholore vwa vana va Nyasaye.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Vagalatia 5:8

Ligoonya yili siliatula ku Nyasaye ulangaa munyi mba.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 2:6

Mu lihambanywa lietu harara na Kristo Yeso, Nyasaye yakusimugukiza kutura mu likuza lia Roho harara na Kristo, kunangwa muduuki kwamiiha naye mwigulu.

Vafeso 3:11

Nyasaye yakola yaga kolondekana nu vulaliri vwivwe uvutahera mba, vwa yanyoora kuvitira mu Kristo Yeso Mwami wiitu.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:9

Engelosi yambolera kandi, “Ong'ode amakuva yaga: Vaveeye nuvugasu yavo avalangiywi vazie mu lilia lie keserero chu Mwana wi Ligondi.” Yambolera kandi, “Yaga gaveeye amakuva giligali ga Nyasaye.”