Varumi 8:3 - KITABU KITAKATIFU

³ Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Varumi 8:3 ပူးပေါင်းရင်းမြစ်များ

Livalidza 21:9

Maku Musa yalomba enzoka yu mugasa na viika kumusaala. Mundu woosi waali nalumiywi niyaheenzaa konzoka yu mugasa yiyi, yahona.

Livalidza 28:22

kandi muhaane imburi ekole indala kuli kihanwa chu vwoni. Munzira yiyi, vakole mwima gwu kwitakasa kigira vandu.

Marko 15:27

Vamuvaamba harara na vanuuri vaviri, mulala ku mukono gwigwe umulungi nu wundi ku mukono gwigwe mumosi. [

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”

Vikolwa 13:39

Kuvitira kandi mu Yeso, mundu woosi usuviraa avohololwa kutura mu vwoni vwi, Lilaga lia Musa siliali linyala kumuvoholora mba.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Varumi 9:3

ndakayanzi Nyasaye yanaame kandi yanzavukanye kutura ku Kristo kigira avamwavo vange kandi aviiko vange.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vagalatia 3:21

Kunangwa, Lilaga linyala kuhing'ana ni lisuuvirizwa lia Nyasaye? Awa, sigaveeye ndio kali hakuzu! Lilaga lilava ni liahaanwa, kigira koleta livamwoyo ku avandu, ngano mundu woosi yaali akolwe mulungi imbiri wa Nyasaye ku lihulira ni liitia Lilaga.

Vafilipi 2:7

Mu vogono yivwo, yihaana, naleka viosi via yaaha navio ma navugura liiva liu umutumikiri. Yekola kuli umundu wa kazozo kandi naaloleka mu liiva liu mundu.

Vahebraina 10:12

Navuzwa Kristo yahaana kisiuviriru kilala kigira vwoni, kisiuviriru kiduukanaa mihiga ni mihiga, kandi niyikara ha mukono mulungi gwa Nyasaye.

Vahebraina 10:14

Kigira kisiuviriru kilala yavakola avadukiru mihiga ni mihiga yavo avatakaswa kutura muvwoni vwavo.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.