Varumi 8:29 - KITABU KITAKATIFU

²⁹ Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Varumi 8:29 ပူးပေါင်းရင်းမြစ်များ

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 89:27

Ndamukora ave muyaayi wange wimbiri, kandi mwami munene ligali kuvita avami vosi.

Kutwula 33:12

Musa yavolera Yahova, “Henza, gaveeye agiligali ndi ivi umali kombolera nzimiliri avandu yava kuzia mu kivala yicho, navuzwa siomboleye nivwaha wautumaa kuzia harara ninzi mba. Umali kovora ndi umanyi vulahi ligali kandi uyanziziywi ninzi.

Kutwula 33:17

Yahova yavolera Musa, “Ndakora kuli umali koteeva, kigira ndakumanya vulahi ligali kandi nyanziziywi nivi.”

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 28:10

Maku Yeso yavavolera, “Mutatia mba! Muzie kovoolera avamwavo vange vazie Galilaya, valandolera yo.”

Matayo 7:23

Ahene yaho ndakavavolere, ‘Si mumanyi kali hakuzu, tuli imbiri wange, munyi avakolaa vudamanu!’

Yohana 17:16

Sivaveeye avumukivala, kuli inzi simbeeye wumukivala mba.

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Yohana 17:26

Ndakokola umanyekane kuvo kandi ndazizagilira kokora ndio, kunangwa, uvuyanzi vwa oveeye navwo ku inzi vove muvo, nainzi mbe muvo.”

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Varumi 11:2

Nyasaye siyasuura avandu veve, avayatovola kutura mu litanga mba. Mwamanya cha Mang'oda Matakatifu gavoora kigira Elija, kuli yagoonya Nyasaye kigira Isiraeli:

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

1 Vakorintho 15:49

Kuli kwavugula ligondo lia uyu wa marova nindio kandi kulavugula ligondo lia oyo wu mwigulu.

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.