Varumi 8:17 - KITABU KITAKATIFU

¹⁷ Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

Varumi 8:17 ပူးပေါင်းရင်းမြစ်များ

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 5:17

Gaveeye giligali ndi kuvitira mu vwoni vwu mundu mulala, likuza liatanga kwamiiha mu kivala. Navuzwa kekolwaki kenene ligali chakolwa nu mundu mulala, naye ni Yeso Kristo! Avandu vosi vanyoola zimbavasi zia Nyasaye zinene ligali kandi vaveeye vavoholole muye. Valamiha mu livamwoyo liavo kuvitira mu Kristo.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 1:5

Yee, kuli kusangaa muvusaliri vunyingi vwa Kristo, kandi ndio, kuvitira mu Kristo, kusangaa mu vokonyi vonene vwa Nyasaye.

2 Vakorintho 1:7

Kunangwa lisuuvirizwa lietu mu munyi silinyala kodengeyizwa mba; kumanya ligali kuli musangaa mu vusaliri vwitu, kandi mulasanga ndio mu vokonyi vwa kunyi konyoora.

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.

Vagalatia 4:7

Kunangwa ivi sioveeye mutugwa kandi, navuzwa oveeye mwana. Kigira oveeye mwana weve, Nyasaye alakuha miandu josi ja yavikira avana veve.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 1:4

na ndio kulindiliraa konyoora uvutugi vwu vugasu vwa Nyasaye aviikiraa avandu veve. Aviikiraa munyi uvugasu vwene yivu mwigulu, havutanyala kuguunda, kwoneka anoho kogota.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.