Varumi 8:16 - KITABU KITAKATIFU

¹⁶ Roho wa Nyasaye alolekizaa harara na roho jietu ndi koveeye avana va Nyasaye.

Varumi 8:16 ပူးပေါင်းရင်းမြစ်များ

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Matayo 5:9

“Vaveeye nuvugasu avalombi vimirembe, kigira valalangwa avana va Nyasaye.

Luka 20:36

Kigira sivanyala kukuza kandi mba. Valava kuli zingelosi kandi vaveeye avana va Nyasaye, kigira vamali kusimuguka kutura mu vakuzu.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Vikolwa 5:32

Kunyi harara na Roho Mutakatifu, koveeye avaloli ku vindu yivi oveeye kihanwa cha Nyasaye ku avandu vamuhuliraa.”

Varumi 8:14

Ku vosi ava Roho wa Nyasaye yimiliraa yava nivo avana va Nyasaye.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

Varumi 8:26

Munzira ndala nzere Roho yazaa akokonyaa mu vodedekere vwitu, kigira sikumanyi kuli gakuduukiraa kusaala mba. Navuzwa Roho mwene akusaaliraa ku Nyasaye mu likenya lietu linene litanyala kutivulwa mu makuva ga kazozo.

Varumi 9:26

Havundu yaho aha vavolerwa, ‘Simuveeye avandu vange,’ ahene yaho valakalangirwi ho avana va Nyasaye oveeye mwoyo.”

Varumi 9:8

Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

2 Vakorintho 5:5

Nyasaye mwene niyie wakolombera ligirung'anywa yili, kandi yakuha Roho weve, ave kelolero chi vindu viosi via yakuviikira.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

1 Yohana 4:13

Kigira yaga kumanyi ndi komenyi mu Nyasaye, naye amenyaa mu kunyi, kigira umali kukuha Roho weve.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.