Varumi 8:14 - KITABU KITAKATIFU

¹⁴ Ku vosi ava Roho wa Nyasaye yimiliraa yava nivo avana va Nyasaye.

Varumi 8:14 ပူးပေါင်းရင်းမြစ်များ

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Tsing'ano 8:20

Ng'endaa kunzira yu vulungi; nondaa zinzira ziageligali.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Matayo 5:9

“Vaveeye nuvugasu avalombi vimirembe, kigira valalangwa avana va Nyasaye.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:5

Yavo avamenyaa kuli liiva liu muviri livavoolera, vamiihangwa ni zing'anagani ziu muviri gwenyaa. Navuzwa yavo avamenyaa kolondekana ni lienya lia Roho, zing'anagani ziavo ziamifwa na ga Roho yenya.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

Varumi 9:26

Havundu yaho aha vavolerwa, ‘Simuveeye avandu vange,’ ahene yaho valakalangirwi ho avana va Nyasaye oveeye mwoyo.”

Varumi 9:8

Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 4:5

aduuki kohonyia yavo avaari hasi hi Lilaga, kunangwa kunyi kuduuki kuva avana va Nyasaye.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vagalatia 5:16

Navuzwa agambooraa ni yaga, muleke Roho yimiliri livamwoyo lienyu na munyi mulavula kudukiza liegomba liu muviri.

Vagalatia 5:18

Navuzwa Roho alamwimilira, simuveeye hasi hi Lilaga mba.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.