Varumi 7:7 - KITABU KITAKATIFU

⁷ Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

Varumi 7:7 ပူးပေါင်းရင်းမြစ်များ

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

2 Samweli 11:2

Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

Zaburi 119:96

Mali kwiga ndi vuli kindu keveeye nekeheri chacho, navuzwa amalago googo gaveeye maduukiru ligali.

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 20:16

“Alaza kandi aliita avalimi yava, nukuhaana kizabibu ku avalimi vandi.” Lwa avandu vahulira yaga, vavoola, “Yaga gatava ndio mba.”

Vikolwa 20:33

Inzi sindaakayirwa kali hakuzu ifeza yu mundu anoho zahabu anoho zinguvu.

Varumi 13:9

Kigira amalago yaga, “Utaheya mba; utiita mba; utiva mba; utakayirwa mba,” na agandi goosi, gazuganyiywi mu lilago lilala yili: “Uyaanze umutende woovo kuli wiyanza umwene.”

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 4:1

Kunangwa kulavoola ki ku Aburahamu, guuga wiitu? Yanyoora ki ku lugano lwu muviri?

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

Varumi 7:11

Uvwoni vwanyoola vwiyangu vwavwo kuvitira mu Lilaga zana, vwangada, ma ni vunzita.

Varumi 7:13

Navuzwa yaga gamanyiaa ndi agaveeye malahi gaandetela likuza? Sigaveeye ndio mba! Vwali vwoni vwakola agene yaga; uvwoni vwavitira mu vulungi nivondeetera likuza kunangwa agiligali gu vwoni gaduuki kumanyikana kigira Lilaga. Nandio mu liiva lie Lilaga uvwoni vuduuki kumanywa ndi voveeye vudamanu ligali.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 7:8

Navuzwa kuvitira ku Lilaga yili, uvwoni vwanyoola vwiyangu kuvuukiza zing'ano ziosi zie likayirwa liu vwimani mu inzi. Vugira Lilaga, uvwoni vuukuzi.

1 Vakorintho 15:56

Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Kwidzulitsa 5:21

“Utakayirwa mukali wu musaza wundi mba; kandi utakayirwa inyumba yeeye, mulimi gwigwe, avatugwa veve, zing'ombe zizie, zisukiri zizie, anoho kindu choosi cha aveeye nacho mba.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

1 Vatesalonike 4:5

sigaveeye mu liegomba lidamanu liu muviri kuli avandu vi zihiiri, avatamanyi Nyasaye.

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Joshua 7:21

Ku vindu via kwalaanya ndaalora likoti lilahi ligali lia Babiloni, ahimbi zikilo ziviri zie ifeza, kandi kedonye chi izahabu chuvulitu uvuvitaa inusu yi kilo. Ndaavikayirwa ligali ma nimbivugula. Ulavinyoola niviayavilwa musi mu lihema liange, ifeza neveeye ku lwaalo.”