Varumi 7:5 - KITABU KITAKATIFU

⁵ Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 7:5 ပူးပေါင်းရင်းမြစ်များ

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Yohana 3:6

Chu muviri gwivulaa nichumuviri ni charoho yivulaa ni cha Roho.

Varumi 1:26

Kigira vaakora yago, Nyasaye yavaleka mu likayirwa liavo lie zisoni. Kali avakali vaavo vagirung'anyia umwima gwaavo gwu kuva harara na vasaza, nivava harara na vakali vandi;

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 7:23

Navuzwa ndolaa Lilaga lindi liu lugano ni liyinzira mu vivero viu muviri gwange Lilaga ililwanaa ni Lilaga lio vogeri vwange vuvugiliraa. Liene yili lingolaa kugwa muhambe ku Lilaga liu vwoni, vomenyaa mu muviri gwange.

1 Vakorintho 15:56

Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

2 Vakorintho 10:3

Gaveeye agiligali ndi komenyi mu lirova, navuzwa sikulwaanaa uvulwani kuturana ku lienya lie lirova mba.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

Yakobo 4:1

Uvulwani ni lirembana vituraa haliha hagati hinyu? Siliveeye likayirwa lienyu lidamanu liletaa uvulwani mu vivero vie miviri jinyu?

1 Yohana 3:4

Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago.