Varumi 7:4 - KITABU KITAKATIFU

⁴ Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

Varumi 7:4 ပူးပေါင်းရင်းမြစ်များ

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Matayo 26:26

Lwa vaali ni valiza, Yeso yavugula umulango gwu mugadi, nahaana ilisaandiza ma nameganyia. Yahaana ku aviigi veve navoora, “Vuguli mulie; yigu nu muviri gwange. ”

Marko 4:20

Navuzwa avandu vandi vaveeye kuli uvuguza vugwizaa mu marova magunamu. Vahuliraa ilikuva, valivugilira, kandi vaama amakuyu: avalala salasini, avandi sitini, na avandi mia.”

Yohana 15:8

Vukumi vwa Baba wange vumanyiangwa ku liama makuyu lienyu, kandi munzira yiyi mugwizaa aviigi vange.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Varumi 6:11

Kunangwa munzira ndala nzere, gamudukira mwiganagane munyi aveene kuli vakuzu ku vwoni, navuzwa munye muduuki kuyaanziza Nyasaye mu Kristo Yeso.

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Varumi 6:2

Awa! Sigaveeye ndio mba! Kunyi koveeye vavoholore kutura ku vwoni, kunyala kuzizagilira ndi komenya muvwoni?

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Varumi 7:3

Kulwayago, niiva mukali oyo alamenya nu musaza wundi ing'inga yu musaza weve akikiri mwoyo, alalaangwa muheyi. Navuzwa musaza weve nakuza, mukali oyo aveeye muvoholore ku Lilaga, naye naleetwa nu musaza wundi sianyala kulangwa muheyi mba.

Varumi 7:6

Navuzwa kalunu koveeye avavoholore kutura ku Lilaga, kigira kukuzi ku Lilaga liakokola avahambe ku ing'inga ndala. Si kutumikira Nyasaye kolondekana ni liiva lia kale liang'odwa mu Lilaga mba, navuzwa mu liiva lihia lia Roho Mutakatifu.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 10:16

Ekekombe chakutumikiraa mu Lisavo liu Mwami, nicho kandi cha kuhaaniraa ku lizominya ku Nyasaye: Lwa kunwera mu kekombe yiki, kusangaa mu masahi ga Kristo. Umugadi gwa komegaa: lwa kugulizaa, kusangaa mu muviri gwa Kristo.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vagalatia 5:18

Navuzwa Roho alamwimilira, simuveeye hasi hi Lilaga mba.

Vafeso 2:15

Yeso yaatuliza ho Lilaga lia Avayuda harara na malago galio kandi ni miima jalio aduuki kolomba zihiiri ziviri yizio kugwa ihiiri ndala imbia muye, nokoleta mirembe hagati haavo.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

Vakolosai 2:14

Yaatuliza ho lilaga lia ng'oderwa kunyi mu malago, lia hing'ana nikunyi kandi yalitulizaho lwa yavikwa ku musalaba.

Vakolosai 2:20

Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli,

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

Likunula 19:7

Gendi ku sangale kandi kuyaanze; gendi kumwizominyi kandi kumuhe uvukumi vwivwe! Kigira keserero chu Mwana wi Ligondi kiduuki, kandi umwiha weve wetegeki.

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”