Varumi 7:24 - KITABU KITAKATIFU

²⁴ O, vaani! Inzi mbeeye umundu waadiva! Niwaha ulimbonyia kutura mu muviri gumbiraa mu likuza yigu?

Varumi 7:24 ပူးပေါင်းရင်းမြစ်များ

1 Avami 8:38

huliriza ku lisaala liavo. Niiva mulala ku avandu vovo Isiraeli, kuturana no vovereri vwu mumwoyo, valanyira makono gaavo mu lisaala kohenziza ku Litembeli yili,

Zaburi 102:20

Yahulira likenya lia vahambe, kandi yaavoholora yavo avaari nivakalagirwa likuza.

Zaburi 119:131

Ndakunura munwa gwange nokoherana ligali, kigira nzegomba amalago googo.

Zaburi 119:143

Inzi nzizuuyi uvudinyu ni kivi kenene, navuzwa amalago googo galetaa uvusangari ku inzi.

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 119:20

Mbeeye nuvuha vonene; nyenya kumanya likalaga liilio zing'inga ziosi.

Zaburi 38:2

Ivi umali kundumita vululu ni mivano juvuta vuvwo. Kandi mukono gugwo umali kunduya vudamanu.

Zaburi 6:6

Nduhiziywi ligali kigira vovereri. Vuli vudiku nzilirizaa kidali change na maliga gange. Maliga gange gazilizi ipilo yange.

Zaburi 71:11

Vavoola, “Nyasaye umuleki, gendi kumulondelere na kumugumiri; sihaveeyeho numulala wukumuhonyia.”

Zaburi 72:12

Ahonyia avadaka vaaniraa kuye; kandi ahonyia yavo avaveeye ni lienya kandi avataveeye novokonyi.

Zaburi 88:5

Inzi mali kolekwa hagati ha vakuzu; Mbeeye kuli yavo viitwa avagonaa mu vilindwa, yavo ava umali kwivilira ligali, avaveeye ihale kutura ku vokonyi vuvwo.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Mika 7:19

Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

Varumi 8:26

Munzira ndala nzere Roho yazaa akokonyaa mu vodedekere vwitu, kigira sikumanyi kuli gakuduukiraa kusaala mba. Navuzwa Roho mwene akusaaliraa ku Nyasaye mu likenya lietu linene litanyala kutivulwa mu makuva ga kazozo.

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 2:15

Kandi munzira yiyi yavoholora yavo vosi avaari avatugwa vu vuti vwi likuza mu livamwoyo liavo liosi.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”