Varumi 7:22 - KITABU KITAKATIFU

²² Sangaliraa Lilaga lia Nyasaye mugati musi mwu mwoyo gwange.

Varumi 7:22 ပူးပေါင်းရင်းမြစ်များ

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 1:2

Navuzwa ayaanza malago ga Yahova kandi naganagana vudiku numbasu.

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 119:113

Ndunyiraa ligali yavo avataveeye avasuuvirifu ku ivi, navuzwa nyanza Amalago googo.

Zaburi 119:127

Inzi nyanza amalago googo ligali, kuvita izahabu indahi ligali.

Zaburi 119:16

Nyanzilira malago googo ligali; sinyala kwivilira malago googo mba.

Zaburi 119:167

Inzi mbulira amigizu googo, ngayaanzaa nu mwoyo gwange gwosi.

Zaburi 119:174

O, Yahova, nzegomba ovohonyi vuvwo. Amalago googo gaveeye uvusangari vwange.

Zaburi 119:24

Amigizu googo ganyanziza ligali; gambeezaa zing'anagani zindahi ligali.

Zaburi 119:35

Unzimiliri mu zinzira zia malago googo, kigira nyooraa uvusangari mugo.

Zaburi 119:72

Amalago ga wahaana gaveeye amalahi ligali ku inzi, kuvita mabesa goosi mu lirova.

Zaburi 119:92

Amalago googo galavula kuva uvutangiliru vwu vusangali vwange, ngano ndakuza kuturana nuvusaliri vwange.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Lwimbu lwa Solomoni 5:3

Inzi mali kutuliza zinguvu ziange; kigira ki nzirane kuzievika? Mali kwisaava vilenge viange, kigira ki nzirane kuvimwaminya?

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Kyavalevi 13:39

musaalisi alamuhenzeliza. Niiva mavondo gaveeye malavu hake vuzwa, yilwo loveeye lwiyage vuzwa ulutangi ku ligodo lilie; mundu oyo aveeye mulahi kolondekana ni miima.

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

2 Vakorintho 4:16

Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vakolosai 3:9

Mutaveherana aveene na aveene mba, kigira mumali kutulizaho liiva lia kale harara ni milima jinyu.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.