Varumi 6:4 - KITABU KITAKATIFU

⁴ Ku libatizwa lietu, kwayavilwa harara naye kandi nikusanga mu likuza lilie, kuli Kristo yasimugukizwa kutura mu vakuzu mu vukumi vwi zinguru zia Baba, kunyi kandi kuduuki komenya mu livamwoyo lihia.

Varumi 6:4 ပူးပေါင်းရင်းမြစ်များ

Yohana 11:40

Yeso yavavolera, “Singovoleye ndi niiva usuviraa ulalola uvukumi vwa Nyasaye?”

Yohana 2:11

Yeso yakola kelolekizu chu kutanga yiki mu lidaala lia Kana mu kivala cha Galilaya, naavuula uvukumi vwivwe, kandi aviigi veve vamusuuvira.

Vikolwa 2:24

Navuzwa Nyasaye yamusimugukiza kutura mu vakuzu na muvoholora kutura mu vusaliri vwi likuza, kigira si ganyalika ndi likuza limuvohe mba.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

Varumi 6:3

Si mumanyi ndi kunyi vosi kwabatizwa kuduuki kuva kindu kilala na Kristo Yeso, lwakubatizwa kukuzaa harara naye.

Varumi 6:8

Niiva kwamala kukuza harara na Kristo, kusuuvira ndi kulava mwoyo harara naye kandi.

Varumi 6:9

Kunyi kumanyi ndi, Kristo yamalakusimugukizwa kutura mu likuza; na sialakuza kandi mba. Likuza si lilamwamiiha kandi mba.

Varumi 7:6

Navuzwa kalunu koveeye avavoholore kutura ku Lilaga, kigira kukuzi ku Lilaga liakokola avahambe ku ing'inga ndala. Si kutumikira Nyasaye kolondekana ni liiva lia kale liang'odwa mu Lilaga mba, navuzwa mu liiva lihia lia Roho Mutakatifu.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

1 Vakorintho 6:14

Nyasaye wasimugukiza Mwami kutura mu likuza, kandi alakasimugukizi kunyi ni zinguru zizie.

2 Vakorintho 13:4

Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Vakolosai 4:1

Munyi avami, muhaane ku avatugwa vinyu viu vulungi kandi viduukanu. Mwizurizi kumanya ndi munyi kandi muveeye nu Mwami mwigulu.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Yohana 2:6

Oyo ovola amenyi mu Nyasaye gamudukira amenye kuli Kristo yamenya.