Varumi 6:3 - KITABU KITAKATIFU

³ Si mumanyi ndi kunyi vosi kwabatizwa kuduuki kuva kindu kilala na Kristo Yeso, lwakubatizwa kukuzaa harara naye.

Varumi 6:3 ပူးပေါင်းရင်းမြစ်များ

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Vikolwa 19:5

Lwa vahulira yaga, vabatizwa mu lieta liu Mwami Yeso.

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 8:16

kigira Roho Mutakatifu yaali na akikiri kwika kuvo. Vaali ni vabatizwa vuzwa ku lieta liu Mwami Yeso.

Varumi 6:16

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

Varumi 6:8

Niiva kwamala kukuza harara na Kristo, kusuuvira ndi kulava mwoyo harara naye kandi.

Varumi 7:1

Avaamitu vange, suuviraa mulamanyiriza amakuva ga nyenya kovora, kigira munyi mwosi mwamanya Lilaga. Lilaga liamiihaa vuzwa ku mundu ing'inga yaveeye mwoyo.

1 Vakorintho 10:2

Vosi vabatizwa nivava valondi va Musa mu lilesi yilio, kandi munyanza yiyi.

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

1 Vakorintho 15:29

Niiva lisimuguka siliveeye ho, kigira ki vandu vabatizangwa kulwa vandu vakuzu? Vakora ndio kigira ki? Niiva gaveeye giligali ndi vakuzu sivasimugukizangwa, kigira ki avandu yavo vabatizangwa kulwa vakuzu vaali nivakikiri kubatizwa?

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 5:6

Sivoveeye vulahi munyi kwigingira mba. Simwamanya livoora, “Amamera makekeeke galombaa lihumbi liu vusie vwosi kuvimba?”

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

1 Vakorintho 9:13

Suuviraa mwamanya ndi vandu vayinziraa mu Litembeli vanyoola viukulia viavo kutura mu Litembeli; Kandi yavo avatumikaa kuhaana visiuviliru ku vwali vanyoola kidieli chavo kutura ku visiuviliru zana.

1 Vakorintho 9:24

Mumanyi vulahi ndi mu ligerana lie zimbiru, avanyaguli vosi vageranaa, navuzwa mulala kuvo niyie onyoora kihaanwa. Kunangwa kuduuka munyaguli muduuki konyoora kihaanwa.

2 Vakorintho 13:5

Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

Vagalatia 3:27

Munyi vosi avabatizwa mu lihambanywa harara na Kristo, kandi mumali kuva kuli Kristo mwene.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,