Varumi 6:22 - KITABU KITAKATIFU

²² Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Varumi 6:22 ပူးပေါင်းရင်းမြစ်များ

Litanga 50:17

yakovolera kokoteve, ‘Mwaza nuyanza usamihi mahiolo gavamwavo vovo vakokolera.’ Kalunu mwaza nuyanza ukusamihi mahiolo agakunyi avatumikiri va Nyasaye wa baba woovo kwakora.” Josefu yalira lwa yahulira makuva yaga.

Ayubu 1:8

Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Zaburi 143:12

Kigira uvuyanzi vuvwo vwa kazozo ku inzi, wiite avasigu vange, kandi udivize vosi avadambizaa mwoyo gwange, kigira inzi mbeeye mutumikiri woovo.

Zaburi 86:2

Ombonyie kutura ku likuza kigira mbeeye musuuvirifu ku ivi. Ombonyie kigira mbeeye mutumikiri woovo na suuviraa mu ivi.

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Danyeli 3:26

Kunangwa Nebukadineza yisunda ahimbi nu muliango gwi kisambiru cho lomemo lwu muliru nalaangaa, “Sadaraka! Meshaka! Abedinego! Avatumikiri va Nyasaye Munene! Tuli ichova!” Nonoho vatura ichova.

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Livalidza 23:10

Visukululwi via Isiraeli viveeye kuli luguchi viveeye vinyingi ligali kuvalizwa; leka mbelizi madiku gange kuli mulala ku vandu va Nyasaye. Leka nguzi nu murembe kuli mundu mulungi.”

Matayo 13:40

Kuli mavanze gavungizangwa harara ma gasambwa nu muliru, galava ndio mu keheri chi ing'inga yiyi.

Matayo 13:43

Na avalungi valang'ereng'ana kuli liuva mu Vwami vwa Baba wavo. Oveeye na matu gu kuhulira, ahuliri.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Yohana 8:32

mulamanya agiligali, na agiligali zana galamukola muve avavoholore.”

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Varumi 6:18

Mwavoholorwa kutura muvwoni, ma ni mugwa avatugwa vu vulungi.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Varumi 7:25

Lisandiza liveeye ku Nyasaye, kuvitira mu Yeso Kristo Mwami wiitu! Kunangwa yili nilio liiva liange: Inzi nyara kutumikira Lilaga lia Nyasaye mu zing'anagani ziange, navuzwa mu liiva liu muviri gwange, ndumikiraa Lilaga liu vwoni.

Varumi 7:4

Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 7:22

Uyu walangwa nu Mwami naveeye mutugwa, aveeye muvoholore mu Mwami. Munzira ndala nzere, umundu walangwa naveeye muvoholore, aveeye umutugwa wa Kristo.

2 Vakorintho 3:17

Kalunu “Umwami” mu luvaso yilu ni Roho na ha Roho wu Mwami aveeye, ovovoholore voveeye ho.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

1 Petro 1:9

kigira munyoora ovohonyi vwi mioyo jinyu; Yiki nicho ekeveeye kivuni kenene chi lisuuvira lienyu muye.

1 Petro 2:16

Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye.

Likunula 7:13

Mulala ku vakulundu yandeva, “Ni vanga vwaha yava aviviikia ziganza izindavu, kandi vatura hayi?”