Varumi 6:21 - KITABU KITAKATIFU

²¹ Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Varumi 6:21 ပူးပေါင်းရင်းမြစ်များ

1 Avami 2:26

Mwami Solomoni yavolera Abiazari musaalisi, “Yirana Anazozi, mu kivala chicho. Uduukani kwitwa, navuzwa sindakwita kalunu mba, kigira waginga Lisandugu lie Lilagana lia Yahova, Uvunyali imbiri wa baba wange Daudi, kandi nusanga mu vudinyu vwivwe vwosi.”

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 73:17

kuduuka lwa ndaazia mu Litembeli liilio. Maku ndaamanyiriza agaaza gekoleke ku avandu vachamu.

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Tsing'ano 14:12

Inzira eveeyeho elolekaa kuva inungi ku mundu, navuzwa ekeheri chayo nilikuza.

Tsing'ano 16:25

Eveeyeho inzira elolekaa kuva inungi ku mundu, navuzwa keheri chayo keveeye likuza.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Ezekieli 43:11

Niiva valava mu zisoni kigira vindu vidamanu via vamali kokora, maku, uvivaaliri lilohiza lie Litembeli. Uvamanyie lifana lialio, vwingiliru kandi litula ichova lialio, lilohiza lie vindu viosi, miima kandi amalago galio goosi. Uvang'odele vindu yivi viosi kunangwa vaduuki kolola kuli vindu viosi vialohizwa kandi vaduuki kolonda malago goosi gi Litembeli.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 5:12

Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Varumi 6:16

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Varumi 8:6

Ukwamiifa na Roho koleta livamwoyo kandi mirembe.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 7:11

Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

Kwidzulitsa 17:6

Anyala kwitwa vuzwa niiva avaloli vaviri anoho vavaga valavoora giligali kuye. Sialitiva niiva muloli aveeye mulala yeng'ine mba.

Kwidzulitsa 21:22

“Niiva mundu alakola uvwoni uvuduukanaa likuza, naye niyiitwa kandi muviri gwigwe gusuungwi ku musaala,

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

Yakobo 5:20

mwizurizi yaga ndi: mundu woosi ugirung'anyia mwoni kutura munzira yeeye mdamanu, alahonyia mwoyo gwu umwoni oyo kutura mu likuza, kandi alaleeta lisamiifa liu uvwoni vunyingi.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

Likunula 16:6

Kigira, vaatahiza amasahi ga avatakatifu vovo na gavaporofeti, na ivi umali kuhaana kuvo amasahi vanwi, nindio vaduukana vakolwe.”

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.