Varumi 6:18 - KITABU KITAKATIFU

¹⁸ Mwavoholorwa kutura muvwoni, ma ni mugwa avatugwa vu vulungi.

Varumi 6:18 ပူးပေါင်းရင်းမြစ်များ

Zaburi 116:16

O, Yahova, inzi mbeeye mutumikiri woovo; ngutumikiraa vuzwa kuli mama wange yaandumikira. Ivi umali kombonyia kutura mu likuza.

Zaburi 119:32

Ndahulira malago googo nu mwoyo gwosi, kigira ulamba limanyiriza linyingi ligali.

Zaburi 119:45

Inzi ndamenya mu vovoholore vuduukiru, kigira ngelizaa kuhulira amigizu googo.

Isaya 26:13

O, Yahova, Nyasaye wiitu, kwamala kwamiifwa navandu vandi, navuzwa ivi weng'ine oveeye Yahova wiitu.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Yohana 8:32

mulamanya agiligali, na agiligali zana galamukola muve avavoholore.”

Yohana 8:36

Kunangwa, niiva Mwana wa Nyasaye alamuha vovoholore, mulava avavoholore ligali.

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Varumi 6:7

Lwu mundu akuzaa, avohololwa kutura kuzinguru ziu vwoni.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

1 Petro 2:16

Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye.