Varumi 6:17 - KITABU KITAKATIFU

¹⁷ Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Varumi 6:17 ပူးပေါင်းရင်းမြစ်များ

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Zaburi 18:44

Lwa Avageni viinama imbiri wange; lwa vahuliraa agambooraa, vegehiza.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 28:15

Avakristayo va Rumi lwa vahulira amakuva giitu, vaza kukwaganira ha Chiitu cha Apia ha Zihoteli Zivaga. Paolo lwa yavalola yasandiza Nyasaye, kandi alema mwoyo.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 1:8

Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

1 Vakorintho 1:4

Sandizaa Nyasaye wange kazozo kigira zimbavasi ziamali kuhaana ku munyi kuvitira mu Kristo Yeso.

1 Vakorintho 14:6

Kulwayago, avaamitu vange, niiva ndaaza ku munyi nimolomaa mu zinimi zing'eni, ndava na vokonyi ki niiva sindamuleetera likuva kutura ku Nyasaye lie limanya anoho ovoporofeti, anoho amigizu?

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

Vafeso 1:16

sindaaleka, kuhaana lisaandiza ku Nyasaye kigira munyi mba. Nzizuliza munyi no kumutala mu lisaala liange kazozo.

1 Vatesalonike 3:9

Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Filemona 1:4

Amiitu Filimona, sandizaa Nyasaye wange kazozo, lwa ngwizulizaa mulisaala liange,

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

2 Yohana 1:4

Inzi ndaasangara ligali konyoora avalala ku avana vovo vagenda mu giligali, kuli Baba yalaga kunyi.

3 Yohana 1:3

Ndaali nuvusangali ovonene ligali lwa valala ku vamiitu Vakrisitayo vaduuka hano nivambolera kuli oveeye umusuuvirifu ku giligali kandi kuli uzizagilira komenya kazozo mu giligali.