Varumi 6:12 - KITABU KITAKATIFU

¹² Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 6:12 ပူးပေါင်းရင်းမြစ်များ

Litanga 4:7

Niiva wakakoli vulahi, ngano ndakakuvugiliriyi, navuzwa kigira umali kokora vudamanu, ugwiyi mu vwoni. Uvwoni vulakwamiiha, navuzwa ivi kuduuka uvuguuti.”

Zaburi 119:133

Ongole singiri vudinyu ligali kolondekana ni lilagana liilio ku inzi kandi utaleka uvudamanu vuunguuti mba.

Zaburi 19:13

Osoore kutura ku vwoni vwukuhindagiriza, utavoleka vunzamihi mba. Hene yaho inzi ndava muduukiru, kandi ndava muvoholore kutura ku vudamanu vwu vwoni.

Kyavalevi 13:40

Niiva liisu liu mundu nilitura imbiri anoho inyima wu mutwi gwigwe, yaga siganyala kumukola kuva mudamanu mba.

Livalidza 33:55

Navuzwa niiva simulakunga avandu vamenyi mukivala yiki, yavo avatigara valava vikirage kuli Lusasu luveeye mu zimoni zienyu kandi amafwa mu zimbalu zienyu, kandi valamulwaana.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 6:14

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Varumi 6:16

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

2 Vakorintho 4:11

Mu livamwoyo lietu liosi kovezaa kazozo mu vuhiimwa vwu kwitwa kigira Yeso, kunangwa livamwoyo lilie liduuki kololeka havulavu mu miviri jiitu ji likuza.

2 Vakorintho 5:4

Lwa kukikiri mu muviri gwu mu lirova yigu, kokenya ligali kigira kuganaganaa kudambizwaa; sigaveeye kwenyaa kutulizaho umuviri gwi likuza yigu mba, navuzwa koveeye ni liegomba kuvikwa umuviri gutakuzaa, kunangwa muviri gukuzaa yigu guduuki kugirung'anywa ni livamwoyo.

Vagalatia 5:16

Navuzwa agambooraa ni yaga, muleke Roho yimiliri livamwoyo lienyu na munyi mulavula kudukiza liegomba liu muviri.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Kwidzulitsa 7:2

Lwa yahova Nyasaye winyu aguutaa zihiiri yizi, kuduuka mu viiti vosi ligali. Mutahambani navo anoho kuvaveera zimbavasi mba.

1 Vatesalonike 4:5

sigaveeye mu liegomba lidamanu liu muviri kuli avandu vi zihiiri, avatamanyi Nyasaye.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Petro 1:14

Kuli avana vahuliri, mutavugilira likayirwa lienyu lidamanu lia mwali nalio ing'inga ya mwamenyaa mu vusiru mba.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”

Vakalagi 2:3

Kunangwa mboraa ndi, sindavakunga kutura imbiri winyu mba, navuzwa ndavalomba vagwi avasigu vinyu, na vanyasaye vaavo valava mitego ku munyi.”