Varumi 5:8 - KITABU KITAKATIFU

⁸ Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 5:8 ပူးပေါင်းရင်းမြစ်များ

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Yohana 15:13

Uvuyanzi vonene kuvita vwosi vwu mundu anyala kuva navwo ni yivu, mundu ahaane livamwoyo lilie kigira avalina veve.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Varumi 5:6

Lwa kwaali nikukiri avadedekere, Kristo yakuzira kunyi avadamanu ing'inga ya Nyasaye yatovola.

Varumi 5:7

Sivoveeye vodoto umundu kukuzira mundu wundi mulungi mba. Hawundi ganyala kuva mundu anyala kuluvilira kukuzira mundu mulahi!

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Varumi 8:39

anoho kivala chi igulu, anoho cha hasi ligali, anoho kelombe ku vilombe viosi ikinyala kukwavukanyia nu vuyanzi vwa Nyasaye, ovoveeye vwitu kuvitira mu Kristo Yeso, Mwami wiitu.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vahebraina 8:3

Vuli musaalisi munene atovolwa ahaane vihaanwa harara nivisiuviliru viezinya ma ku Nyasaye; kandi gaduukiraa Musaalisi Munene wiitu ave ni kindu chukuhaana.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.