Varumi 5:2 - KITABU KITAKATIFU

² Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 5:2 ပူးပေါင်းရင်းမြစ်များ

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 10:9

Inzi mbeeye kirivwa. Ku vosi uwingira kuvitira ku inzi alahonywa; alingira kandi atuli ichova kandi alanyoola vwayiru.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Varumi 14:4

Ivi nivwaha uluviliraa kukalagira vatumikiri vu mundu wundi? Nivasingira anoho nivagwa, gaveeye ku Mwami wavo mwene. Valasingira vudinyu, kigira Mwami aveeye ni zinguru kuvakola vasingiri.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:24

Kwahonywa kigira ilisuuvirizwa navuzwa nikolola cha kusuuvira mucho, siliveeye ilisuuvirizwa liali ligali mba. Nivwaha oheenzereraa ikindu cha oyo alolaa?

1 Vakorintho 15:1

Kalunu avaamitu vange, nyenya kumwizuliza ndi Ivangeri ya ndamwilwazira, na munyi nimugivugula kandi niyo yilisuuvira lienyu nilisingira ku vudinyu.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vafeso 3:12

Kunangwa, mu lihambanywa lietu na Kristo kandi kuvitira mu lisuuvira lietu muye, kunyi koveeye nuluviliraa kuzia imbiri wa Nyasaye vugira uvuti vwosi.

Vafeso 6:13

Kigira yaga, mwiviki viuma viosi via Nyasaye, muduuki kunyala kuhingira uvulwani vwu musigu mu madiku madamanu kandi nimumaliyi kulwaana kuduuka ku keheri, mulasingira vudinyu.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.