Varumi 5:19 - KITABU KITAKATIFU

¹⁹ Kuli vandu vanyingi vakolwa avoni kigira livula kutia liu mundu mulala, nindio kandi avanyingi valakolwa valungi ku lihulira liu mundu mulala.

Varumi 5:19 ပူးပေါင်းရင်းမြစ်များ

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Varumi 11:32

Nyasaye umali kokora avandu vosi vahambe vi livula kutia, kunangwa aduuki kuva nizimbavasi kuvo vosi.

Varumi 5:12

Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Varumi 5:15

Navuzwa viviri yivi siviveeye vilala viere, kigira kihanwa cha Nyasaye yahaana vuzwa sikeveeye kuli vwoni vwa Adamu mba. Gaveeye giligali avandu vanyingi vakuza kigira vwoni vwu mundu mulala oyo. Navuzwa zimbavasi zia Nyasaye ziveeye zinene kuvita, kandi, kihanwa chiche cha vuzwa ku vandu vanyingi kuvitira mu zimbavasi ziu mundu mulala uyu, Yeso Kristo.

Varumi 5:18

Kunangwa kuli lihiola liu mundu mulala lialeta likalagirwa ku vandu vosi, kandi ndio, ku kekolwa kilala chu vulungi chu mundu mulala kihaanaa livoholorwa lia vandu vosi harara ni livamwoyo.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafilipi 2:8

Yaali mwegehizi kandi nagenda mu liiva liu kutia kuduuka mu likuza likuza lilie ku musalaba.