Varumi 5:14 - KITABU KITAKATIFU

¹⁴ Nitali kutura ing'inga ya Adamu kuduuka ing'inga ya Musa, likuza liamiiha kali ku yavo avavura kokora uvwoni kuli lihiolo lia Adamu yakola ku lihing'ana Nyasaye. Adamu yaali kelolero cha uyu uliza inyima.

Varumi 5:14 ပူးပေါင်းရင်းမြစ်များ

Litanga 19:25

Muliru yigu gwadiviza vandu vosi, amavoona goosi kandi vitagwa viosi iviali ku lirova.

Litanga 4:8

Maku Kaini yavolera Habili amwavo weve, “Genda kuzie kogenda mu mulimi.” Lwa vaali nivaveeye uwene yeyo, Kaini yingilira Habili amwavo weve ma namwiita.

Litanga 7:22

Vuli kindu choosi chi livamwoyo ku lirova chaakuza.

Kutwula 1:22

Maku Mwami yalaga avandu veve vosi, navavoolera, “Vuli mwana muyaayi Muheburaina wivulwa kuduuka asiuvwi mu mugera gwa Naili, navuzwa muleke avana vakana vave mwoyo.”

Kutwula 1:6

Inyima Josefu yakuza na avamwavo veve vosi, na vilikula yilio liosi.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Jona 4:11

Ninzi, sigaanduukiraa kovererera Nineve, lidaala linene yilio! Kali ndio vaveeye mu navana kuvita 120,000 avataveeye nimbala yoosi kandi ni mitugu minyingi mu.”

Varumi 5:12

Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Varumi 5:17

Gaveeye giligali ndi kuvitira mu vwoni vwu mundu mulala, likuza liatanga kwamiiha mu kivala. Navuzwa kekolwaki kenene ligali chakolwa nu mundu mulala, naye ni Yeso Kristo! Avandu vosi vanyoola zimbavasi zia Nyasaye zinene ligali kandi vaveeye vavoholole muye. Valamiha mu livamwoyo liavo kuvitira mu Kristo.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 8:20

Vindu viosi vialagirwa vigotizi kivuni chavio, sigaveeye ku vulaliri vwavio viene mba, navuzwa kigira Nyasaye yenya gave kuli ndio. Navuzwa kali ndio lisuuvirizwa yili liali ni liveeyeho

Varumi 8:22

Kumanyi ndi kuduuka lero, vindu viosi vikenyaa kigira vusaliri vwi lizuunwa kuli lia uyu oveeye ni lilumwa liu mwana.

1 Vakorintho 15:22

Kuli avandu vosi vaakuza mulihambana Adamu kandi ndio vosi valakasimugukizwi kuva mulihambana na Kristo.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.