Varumi 5:12 - KITABU KITAKATIFU

¹² Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Varumi 5:12 ပူးပေါင်းရင်းမြစ်များ

Litanga 2:17

navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.”

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Varumi 5:18

Kunangwa kuli lihiola liu mundu mulala lialeta likalagirwa ku vandu vosi, kandi ndio, ku kekolwa kilala chu vulungi chu mundu mulala kihaanaa livoholorwa lia vandu vosi harara ni livamwoyo.

Varumi 5:19

Kuli vandu vanyingi vakolwa avoni kigira livula kutia liu mundu mulala, nindio kandi avanyingi valakolwa valungi ku lihulira liu mundu mulala.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

1 Vakorintho 15:56

Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.